.jpg)
اوروش قربانلری اوچون عدالت حرکتی، بیر قنچه مدنی فعاللر، یازووچیلر، شاعرلر، صنعتچیلر و ایچکی اوروشلرده قربان بولگنلر خانهدانی « حکومت بیلن گلبدین حکمتیار اورتهسیده تینچلیک اویَتلی شرطنامهسیگه قول قوییلگنی»گه عکسالعمل بیلدیریب، بوگون (پنجشنبه) کابلده نمایش اوتکزدیلر.
«کابل قصابینی عفو ایتمیدی» و « اوروش جنایتچیلرینی کیچیریش هیچ کیم نینگ صلاحیتی ایمس» دیب یازیلگن شعارلرنی کوتارگن اعتراضچیلر عدالت قربان بولیشی بیلن قولگه کیله دیگن تینچلیکنی ایستهمی میز دیگنلر.
مدنی فعال شهرزاد اکبر، ایچکی اوروشلرده جنایتگه قول اورگن هر بیر کیشی اهالیگه جواب بیریشی کیرهک دیگن.
اعتراضده قتنشگنلردن باشقه بیر کیشی محمد هارون رادمهر اسلامی حزب رهبری داخل باشقه اوروش جنایتچیلری جزالهنیشی اوستیده تاکید ایتگن.
اوروش قربانلری اوچون عدالت حرکتی اعضاسی رامین انوری، حکومت سیاسی نیتلریگه ایریشیش اوچون بوندن نیچه ییل آلدین پارلمان آرقهلی تصدیق لنگن عمومی عفو قانونینی اوزیگه دستک قیلیب، تینچلیک نامی آستیده حکمتیار بیلن « اویَتلی شرطنامهگه» قول قویدی دیدی.
.jpg)
اعتراضچیلر بیر قطعنامه صادر قیلیش بیلن، اوروش توخته تیلیشی یانیده انسان حق وحقوقلری توغریسدهگی وعدهلر، سیاسی ثبات ایجاد بولیشی و دنیا جماعهچلیگی حمایتینی جلب قیلیش ملی بیرلیک حکومتینینگ وظیفهلریدن بولگن لیگی بیلدیریلگن.
اوروش قربانلری اوچون عدالت حرکتی، ملی بیرلیک حکومتی رهبرلریدن اسلامی حزب رهبری بیلن امضالنگن شرطنامه مادهلری کوریب چیلیشینی سورهگنلر. اولر، حکمتیارگه بیرلگن قضایی مصونیت چیقاریلیب بوتون اوروش جنایتچیلر اوستیده عدالت عملی بولیشی توغریسیده تاکید ایتگنلر.
عین حالده، اعراضچیلر بیرلشگن ملتلر تشکیلاتیدن اوروش جنایتچیلری اینیسقه گلبدین حکمتیار اسمی تشکیلاتنینگ قاره رویخطیدن چیقاریلمس لیگینی طلب قیلگنلر.
اسلامی حزب و حکومت نمایندهلری اورتهسیده نیچه آیدن بیری آلیب باریلگن سعی وحرکتلردن سونگ تینچلیک شرطنامهسیگه اوتگن هفته میزان آیی نینگ سکیزینچیسیده جمهور رییس غنی و گلبدین حکمتیار اورتهسیده قول قوییلدی.
حکومتنینگ بو تدبیری مملکتدهگی قطار سیاسی جریانلر طرفیدن خوش قرشیلنگن بولسه –ده، اما ایریم سیاسی تشکیلات و مدنی ترماقلرنینگ سلبی عکسالعملیگه روپه ره بولدی.
