تینچلیک عالی کینگشی اورین باسری اسدالله زایری نینگ سلاموطندارگه ایتیشیچه، مسکو ده حکومت و طالبان نمایندهلری آرهسیده بولگن سوزلشوولرنینگ دوامی بار و ایش کمیتهلری ایریم بولیملرده فعالیت قیلهدی.
تینچلیک عالی کینگشی نینگ اورین باسریگه کوره، ایش کمیتهلری آرهسیده فضا یخشی دیر و مذکور کمیتهلرنینگ ایشی یکونلنگندن سونگ، نتیجه توپلهنیب رسمی ییغینده اعلان ایتیلهدی.
جناب زایری، تینچلیک عالی کینگشی باشلیغی کریم خلیلی گه طالبان تامانیدن مسکو ییغینیده اشتراک قیلیش اوچون رخصت بیرلمهگنی توغریسیده چیقگن ادعالرنی رد قیلهدی. اونینگ ایتیشیچه، تینچلیک عالی کینگشی باشلیغی بو ییغینده اشتراک قیلگن.
طالبان گروهی نینگ قطرده بولگن سیاسی دفتری سوزلاوچیسی سهیل شاهین نینگ توییتر صحیفهسیده یازیشیچه، مسکوده یولگه قوییلگن ییغینده تینچلیک عالی کینگشی باشلیغی و روسیه بوییچه افغانستان نینگ ایلچیسی اشتراک قیلمهیدی.
اوتگن کونی مسکو ییغینیده افغانستان و روسیه نینگ 100 ییللیک سیاسی رابطهسیدن نشانلندی؛ بیراق طالبان نمایندهلری و افغانستان سیاسی چهرهلری ییغینی بوگون "چهارشنبه" یولگه قویلگن.
