نماینده لرکینگشی اعضالریدن بیرقطاری‌نینگ ایتیشیچه، غزنی ولایتیده سیلاولر ایرکین کمیسیونی‌نینگ یاپیق‌لیگی، اوشبو ولایت یشاوچیلری‌نینگ حقلریدن محروم بولیشی‌گه سبب بولیب و قانون‌گه قرشی دیر.
نماینده لرکینگشی اعضالریگه کوره، غزنی ولایتیده سیلاولرگه قرشی قینچیلیکلر حکومت تامانیدن حل ایتلمه‌گن حالده، نماینده لرکینگشی‌نینگ مشروعیتی سوراق آستیده قرار تاپه‌دی.
نماینده لرکینگشی باشلیغی عبدالرووف ابراهیمی‌نینگ ایتیشیچه، حکومت و سیلاولر ایرکین کمیسیون‌نینگ مدیریت‌سیزلیگی سبب غزنی‌ده سیلاولر ایرکین کمیسیون‌نینگ دفتری یاپیلیب قویلگن. اونینگ ایتیشیچه، غزنی‌ده سیلاولر ایرکین کمیسیون‌نینگ دفتری یاپیلیب قویلیشی قانون‌گه قرشی دیر.
نماینده لرکینگشی‌نینگ باشلیغی، حکومت و سیلاولر ایرکین کمیسیونی دن غزنی ولایتیده سیلاولرگه قرشی بولگن قینچیلیکلرنی حل ایتیش اوچون سعی و حرکت ایتیشینی سوریدی.
عین‌حالده، کابل‌ده خبری ییغین اوتگزگن سیلاولر ایرکین کمیسیونی‌نینگ باشلیغی گلاجان عبدالبدیع صیادنینگ ایتیشیچه، اوشبو کمیسیون غزنی ولایتیده بولگن اداری قینچیلیکلرنی حل قیلگن؛ بیراق سیاسی قینچیلیکلر حاضرگچه حل بولمه‌گن.
غزنی یشاوچیلریدن بیرقطاری‌نینگ سیلاولر ایرکین کمیسیونی دفتری برابریده تحصن قیلگنی سبب ایکی آی‌دن بویان مذکور ولایت ده سیلاولر ایرکین کمیسیونی یاپیلیب قویلگن.
تحصن قیلگنلر، سیلاولرنینگ حوزه‌یی ایتیلیشی، کیم‌لیک‌لرگه استیکر درج ایتیلمه‌یشی و سیلاولر ایرکین کمیسیونی‌گه اصلاحات کیلتیریلیشی نی ایسته‌گنلر.
