قورال‌لی طالب‌لر بوگون ایرتلب (شنبه) اوچ موتر یولاووچی‌سینی غزنی ولایتی‌نینگ اندر ولسوالیگی یولیده اوغیرله‌گن‌لر. حادثه‌نی تصدیقله‌گن ولایت کینگشی اورین باسری عبدالجامع جامع نینگ ایتیشیچه، مذکور حادثه چهار دیوار و خانه قلعه منطقه‌سیده یوز بیرگن.
ایتیلیشیچه، اوغیرلنگن‌لر برچه‌سی تینچ اهالی دیر.
عین حالده، ولایت اورین باسری محمدعلی احمدی، قورال‌لی طالب‌لر بوگون ایرتلب یولاووچی‌لر موترینی توختتگن. اما، یولاووچی‌لر اوغیرلنگن لیگی باره‌سیده هیچ نرسه دیمه‌گن.
غزنی ولایتی کینگش باشقه بیر اعضاسی امان‌الله کامرانی اوغیرلنگن موترلر سانی 15 گه ییته‌دی و بو موترلردن کوپیسی «تونس» نوعی‌گه بولگن‌لیگی‌نی بیلدیره‌دی. جناب کامرانی‌گه کوره، یولاوچی‌لر تیرگاوگه آلینیشی اوچون طالب‌لر واسطه‌سی بیلن اوزاغ قیشلاق‌لرده ایلتیلگن.
ولایتی کینگش عضویگه کوره، یولاوچی‌لردن کوپیسی دولت قولیده بولگن محله‌لرده حیات کیچیریشلری ایتیلگن.
عین حالده، غزنی امنیت آمری اسدالله انصافی‌نینگ ایتیشیچه، بوباره‌ده تیکشیریشلر باشلنگن و تیزلیک‌ده موضوع‌دن اهالی خبر بوله‌دی.
حاضرگه قدر اوغیرلنگن‌لر سانی و کیم‌لیگی انیق بولمه‌گن و طالب‌لرهم بوباره‌ده بیرنرسه دیمه‌گن.
