بوگون دوشنبه کابل‌ده خبری بیر ییغین اوتکزگن سیلاولر ایرکین کمیسیونی اعضاسی مولانا محمد عبدالله، مذکور کمیسیون ایشلاوچی‌لریدن بیری نی توهین و اولیم گه تهدید قیلگنینی رد قیلیب ایتیشیچه، یوناما گه یتیشگن معلومات ناتوغری دیر.
جناب عبدالله سیلاولر ایرکین کمیسیونی نینگ دیتابیس مدیری بیلن ناتوغری حرکتی توغریسیده بولگن ادعالرنی اوزیگه قرشی تهمت بیلیب ایتیشیچه، بو موضوع تیکشیریلیشی کیره‌ک.
اونگه کوره، بو ادعالر عدلی و قضایی اداره‌لر آرقلی تیکشیریلمه‌گن صورتده، اوزی بو موضوع نی تعقیب قیلیشی ممکن.
اوتگن کون افغانستان بوییچه بیرلشگن ملتلر تشکیلاتی نینگ اورین باسرلیک هیأتی (یوناما) سیلاولر ایرکین کمیسیونی‌ده بیر مکتوب یوبارگن ایدی که کیم اونگه یازیلیشیچه، «بو کمیسیون اعضاسی مولانا عبدالله یوناما نماینده‌لری موجود بولگن 5- نوامبر ییغینی‌ده، کمیسیون نینگ دیتابیس مدیری بشیر علی نی اولیم گه تهدید قیلیب و اونینگ مذهب و قومی گه اهانت قیلگن.»
اوشبو مکتوب گه کیلیشیچه، بونده‌ی بیر حرکت یوناما تامانیدن قبول قیلینمه‌ی و سیلاو قانونی نینگ 17- ماده‌سیگه قرشی دیر.
مذکور مکتوب ده یوناما سیلاولر ایرکین کمیسیونی‌گه همکارلیک و حمایت قیلیشنی اعلام قیلیب ایتیشیچه، جناب مولانا عبدالله نینگ بو حرکتی باعث یوناما، مذکور کمیسیون اعضالری بیلن کونده‌لیک توقنه‌شووی نی اوزگرتیریشی ممکن.
