مخابرات و تکنالوژی سابق وزیری عبدالرزاق وحیدی، اوتگن کونی امنیتی کوچلر تامانیدن قولگه آلینیب پلچرخی قماقخانهسیده یوباریلدی.
جناب وحیدی نینگ مدافعه وکیلی محمدعلی فرهنگ نینگ سلاموطندارگه ایتیشیچه، جناب وحیدی غیابی بیر محکمهده قماققه محکوم بولگن.
جناب فرهنگ نینگ کوپهیتیریشیچه، محکمه اساسی قانون 134- مادهسیگه قرشی جناب وحیدی نینگ تحقیق دستورینی صادر قیلگن و قانون بو مادهسیگه کوره، محکمه قاضیسینی باشقه ادارهلرگه دعوا آچیش اوچون حقی یوق دیر.
جناب وحیدی نینگ مدافعه وکیلیگه کوره، باش قارهلاوچیلیک جناب وحیدی گه قرشی هیچقندی عیب تاپه آلمهیدی، بیراق بیرینچی محکمه جناب وحیدی نینگ دوسیهسی اوستیگه شفقت سیزلیک قیلگن و بیر تامانلمه حکم صادر قیلگن.
فرهنگ نینگ کوپهیتیریشیچه، جناب وحیدی نینگ دوسیهسی بیرینچی محکمهده چالش بیلن روپهره بولگن و بیرینچی محکمه باشلیغی شیرآقا منیب، وحیدیگه قرشی عقدهء حرکت قیلگن.
جناب فرهنگ نینگ ایتیشیچه، محکمه نینگ علنی شکلده یولگه قویلیشی کیرهک.
عینحالده، اجرایی ریاستی نینگ ایکینچی اورین باسری محمد محقق بیر اعلامیه آرقهلی، مخابرات سابق وزیری عبدالرزاق وحیدی نینگ قولگه آلینیشی و محکمه ایتیلیشینی فرمایشی و اهانتلی عنوان قیلیب و بو موضوعنی قارهلهگن.
جناب محقق نینگ بو اعلامیهده حکومت حرکتینی قارهلب و اوشبو حکم نینگ تبعیضلی شکلده صادر ایتیلگنینی ایتگن.
علامیهگه کوره، جمهور رئیس غنی فساد گه قرشی کورهش توغریسیده صادق ایمس و اوز تیمی نینگ اعضالری میلیونلرچه فساد قیلگن، بیراق اولرگه مدال بیرهدی.
عینحالده، ملی خوفسیزلیک ادارهسی نینگ سابق باشلیغی و جمهورلیک ریاستی نامزدی رحمتالله نبیل نینگ بیر توییت آرقهلی ایتیشیچه، جناب وحیدی گه قرشی حرکت سیاسی و سیلاولر اوچون کمپاین دیر.
جناب نبیل نینگ یازیشیچه، حکومت کینگ فساد قیلگنلر و قانونگه قرشی حرکت قیلگنلرگه دقت قیلمهیدی، بیراق، کیچیک موضوعلر کیینینی آلگن.
اجتماعی ترماقلر ایشلاوچیلریدن بیرقطاری، جناب وحیدیگه قرشی حکومت حرکتینی حفیظ الله امین و استالین حرکتیگه مقایسه قیلگنلر و باشقه بیرقطاری ایسه بو حرکتنی سیاسی عنوان قیلگنلر.
عینحالده، باش قارهلاوچیلیک ادارهسینی سوزلاوچیسی جمشید رسولی نینگ سلاموطندارگه ایتیشیچه، جناب وحیدی مالیه وزیرلیگیده اورین باسرلیک پیتیده قیلگن اختلاسی باعث، قولگه آلینگن.
جناب رسولی گه کوره، مملکت سابق مخابرات وزیری محکمهده حاضر بولمهگن.
اونینگ ایتیشیچه، جناب وحیدی نینگ مالیه وزیرلیگیده اورین باسرلیک پیتیده بازارده 3 افغانی چاپ ایتیلهدیگن کارتلر 29 افغانی چاپ قیلینگن و هر بیرکارتدن 27 افغانی اختلاس قیلینگن.
باش قارهلاوچیلیک ادارهسینی سوزلاوچیسی، سیاستچیلر و جناب وحیدینینگ مدافعه وکیلی ادعالرینی رد قیلگن.
