عیا‌ل‌لرسیاسی مشارکت کمیته‌سی نینگ مسوول‌لری، خاتین قیزلرگه قرشی زوروانلیک همده بشری جنایت آشه‌یاتگن لیگی‌نی ایتگن‌لر
بوگون بیر خبری انجمن اوتکزگن مذکور کمیته اعضالری پارلمان‌دن عیاللرگه قرشی قوللنیه‌دیگن زوروانلیکنی توسیق قانونی‌نی تصدیقلش‌نی سوره‌گن‌لر.
مذکور کمیته، ملی مجلس‌دن بو توغریده بی فرق قالمس‌لیک‌لرینی سوره‌گن.
عیال‌لر سیاسی مشارکت کمیته‌سی‌نینگ مسوولی داکتر عالمه، انسان حق و حقوق‌لری همده عیال‌لر حق و حقوقی‌نی حمایت قیلیووچی 50 دن آرتیق اداره عیاللرگه قرشی قوللنیله‌دیگن زوروالیک‌نی توسیش قانونی تصدیقلهنیشی اوچون نیچه آیدن بیری ایشلب کیلماقده‌لر.
خانم عالمه، ملی مجلس اعضالری ایش مددت‌لری اوز پایانی‌گه ییتگه یاتگن چاغ‌ده مذکور قانون‌نی تصدیقلش بیلن مملکت‌ده عیاللرگه ضد یوز بیره‌دیگن زوروانلیک آلدینی آلیش‌گه حصه قوشیش‌لری لازم دیگن.
شونینگ‌دیک او، مذکور قانون تصدیق له‌نیشی بیلن افغانستان‌ده عیاللرگه قرشی زورانلیک‌لر میزانی کمیشی ممکن‌لیگی‌نی ایتگن.
عین‌حالده، مذکور سیاسی کمیته‌نینگ اعضالریدن خدیجه شیربازگه کوره، خلق نماینده‌لر عیاللرگه قرشی زوروانلیکنی توسیش قانونی‌نی تصدیقلش اوچون «مقدس یلغان» ایتمسلیک‌لری ضرور.
او، فرخنده‌نینگ شفقت‌سیز اولدیرلیگنلیگی‌دن درس آلیش کیره‌ک دیگن. ایتیلیشیچه، عیاللرگه قرشی زوروانلیکنی توسیش قانونی تصدیقلهنیشی بیلن مملکت‌ده زوروان‌لیک‌لر سیزیلرلی درجه‌ده کمیشی ممکن.
حسابات‌گه کوره، 2014-ییلده عیاللرگه قرشی یوز بیرگن 2026 زوروانلیک حاللری انسان حق و حقوق‌لری مستقل کمیسیونی‌گه رویخط‌گه آلینگن.
شونینگ‌دیک 1392- ییلده زوروانلیک حال‌لرگه دوچار بولگن 2159 کیشی مذکور کمیسیون‌گه باریب شکایت بیلدیرگنی ایتیله‌دی.
عین حالده، 2014- ییل‌گه نسبت 1392- ییلده عیاللرگه قرشی زوروانلیک حادثه‌لری 3.6 % کمیگن و 1391- ییل‌گه قره‌گنده 15.8 آشگن.
افغانستان انسان حق و حقوق‌لری مستقل کمیسیون عایلوی زوروانلیک‌لرنی مساله اوچون اساسی عامل قیلیب کورستگن.
