مملکت ایچکی ایشلر وزیری نورالحق علومی‌نینگ ایتیشیچه، الکترونیکی کیم‌لیک ترقه‌تیش ایشی باشله‌نیش بویروغی بیر هفته‌دن کیین صادر بولیشی ممکن.
جناب علومی، ملی امنیت باشلیغی رحمت‌الله نبیل و حربی کوچلر باش قومندانی قدم‌شاه شهیم بیلن ناتینچ‌لیک‌لر کوپیگنی، الکترونیکی کیم‌لیک ترقه‌تیلیشی کیین‌گه قالگنی و بو اداره‌لرده ایشگه آلیش پروسه‌سی توخته تیلیشی توغری‌سیده جواب بیریش اوچون پارلمان‌گه چقیریلگن ایدیلر، اونگه کوره، الکترونیکی کیم‌لیک ترقه‌تیش اداره‌سیده اصلاحات کیلتیریله‌دی.
ایچکی ایشلر وزیری‌نینگ بوسوزلری، نیچه کون آلدین الکترونیکی کیم‌لیک ترقه‌تیش اداره‌سیدن 800 ایشچی‌سی ایچکی ایشلر وزیرلیگی تمانیدن بودجه یوق‌لیگی باعث چیت‌لنتیریلگنی توغری‌سیده گزارشلر ترقه‌تیلگن بیرچاغ‌ده بیان ایتیله‌دی.
شونینگ‌دیک جمهور رییس هم اوتکن هفته پنج‌شنبه کونی مخابرات و ایچکی ایشلر وزیرلری، اروپا بیرلیگی نماینده‌لری، افغانستان بوییچه بیرلشگن ملت‌لر تشکیلاتی، سیلاولر ایرکین کمیسیونی، آلمان و قوشمه ایالت‌لر خلق ارا کینگیتیریش اداره‌سی، بیرقطار نماینده‌لر و خلق ارا مؤسسه‌لر مصلحت‌چیلری بیلن اوچره‌شگن چاغیده الکترونیکی کیم‌لیک توغری‌سیده ایتیشیچه، بو کیم‌لیک‌لرنی ترقه‌تیلیشی سیلاو تونیق‌لیگی‌گه ایجابی تاثیر تشله‌یدی.
شونینگ‌دیک جمهور رییس غنی‌گه کوره، افغانستان خلقی بو کیم‌لیک ترقه‌تیلیشینی ایسته‌یدی، بیراق حاضرگچه بو توغریده عملی برنامه ریجه لنمه‌گن.
شونینگ‌دیک پارلمان ییغینی‌ده ایچکی ایشلر وزیری، مذکور وزیرلیک‌ده هم حزبی‌لری جایلشتیرگنی توغری‌سیده بولگن ادعالر و اتهام‌لرنی رد قیلدی. اونگه کوره، ایشنی؛ ایش ییگه سیگه تاپشیرگن و بو وزیرلیک‌ده جایلشتیریلگنلردن کوپینچه‌سی مجاهدلر دیر.
جناب علومی‌نینگ امنیتی وضعیت توغری‌سیده ایتیشیچه، دیمک مملکت‌ده ناتینچ‌لیک‌لر کوپیماقده، بیراق امنیتی کوچلر کونسایین کوچلنه‌دی و اولر ناتینچ‌لیک‌لرنی باشقریش‌گه قادر بولگن.
جناب علومی، چیت ایللیک و ایچکی تروریست‌لرنی افغانستان‌گه کیریشی، امنیتی مسؤولیت‌لرنی بوتونله‌ی انتقال بیریلگنی و اوروش جغرافیه‌سی جنوبدن شمال‌گه اوزگریشی‌نی مملکت ده‌گی ناتینچ‌لیکلرکوپه‌ییشی اصلی دلیلی دیدی.
بوندن آلدین، بیرقطار نماینده‌لر ایچکی ایشلر وزیری‌نینگ استیضاح بولیشی‌نی سوره‌دی؛ بیراق باشقه بیرقطار نماینده‌لر افغانستانده‌گی حاضرگی وضعیت‌ده بو ایشنی مملکت منفعتی‌گه بیلمه‌ی و امنیتی وضعیت‌گه سلبی تاثیر تشله‌شینی ایتدی.
ناتینچ‌لیک‌لر کوپه‌یگنی توغری‌سیده آگاه‌لنتیریش
ملی امنیت عمومی باشلیغی رحمت‌الله نبیل پارلمان ییغینی‌ده آگاه‌لنتیریشیچه، کیله‌جک آی‌لرده مملکت ایریم منطقه‌سیده ناتینچ‌لیک‌لر کوپه‌ییشی ممکن.
جناب نبیل‌نینگ کوپه‌یتیریشیچه، افغانستان‌ده امنیت تامین‌لنیشی بیرینچی یولی بیرلیک دیر و شونینگ‌دیک اولر کیله‌جک‌ده دشمن هجومی و تهدیدلری برابریده کوره‌شیش‌گه بوتونله‌ی تیارلیک آلگن.
ملی امنیت عمومی باشلیغی‌گه کوره، ننگرهار ولایتی‌ده داعش حضوری اولر اوچون خواطرلی دیر. شونینگ‌دیک مملکت‌ده داعش نفوذی باشقریلیشی توغری‌سیده حکومت‌نینگ ینگی برنامه‌لریدن خبر بیردی.
جناب نبیل‌گه کوره، پاکستان بیلن بولگن استخباراتی کیلیشوو مسوده توغری‌سیده کیله‌سی هفته ملی امنیت کینگشی‌نینگ اولتیریشی‌ده بحث اوتکزیله‌دی.
افغانستان ملی امنیت باشلیغی اوتکن هفته پارلمان بناسی‌گه اویوشتیریلگن هجوم توغری‌سیده ایتیشیچه، آلدین‌دن بو توغریده تیگیشلی اداره‌لرگه خبر بیریلگن ایکن.
اونگه کوره، پارلمان اوستیگه 6 هجوم ریجه‌لنگن ایکن، بو اداره 5 ته‌سینی باشقرگن، بیراق سونگی هجوم‌نی باشقره آلمه‌گن. اونینگ کوپه‌یتیریشیچه، نیچه کون آلدین نیچه کیشی مجلس اوستیگه هجوم اویوشتیریش‌گه قصد قیلگن چاغده قوراللری و پارلمان نقشه‌سی بیلن توتقونگه آلگن.
