د بلخ والي او د اسلامي جمعیت ګوند اجرایوي رییس وايي، چې ډېر ژر به د خپلو مشرانو او متحدانو په همغږۍ له بلخ ولایته د استعفا په اړه پرېکړه وکړي.
په وروستیو کې د ملي یووالي حکومت د اجرایوي رییس او د بلخ د والي عطامحمد نور ترمنځ ناندرۍ اوج ته رسېدلې دي. عطامحمد نور په ډاکټر عبدالله تور پورې کړی و، چې د ملي یووالي حکومت د سیاسي هوکړې په پلي کولو کې پاتې راغلی.
هغه د استعفا ننني مراسم له ارګ سره د خبرو اترو د پیلولو پایله وګڼله. د بلخ د والي پر وینا، د استعفا یو دلیل له ولسمشر محمد اشرف غني سره د اسلامي جمعیت ګوند هوکړهلیک پلي کول دي، چې له مخکې نه لیکل شوې ده.
عطامحمد نور په راتلونکیو ټاکنو کې ګډون کول د خپلې استعفا د دلایلو نه یو هغه ګڼي.
عطامحمد نور یوه اوونۍ مخکې د پخواني ولسمشر حامد کرزي د مرستیال مارشال محمد قسیم فهیم د درېیم تلین په مراسمو کې په تېرو ټاکنو کې د اجرایوي رییس عبدالله عبدالله د ملاتړ پر بنسټ له خلکو بښنه وغوښته او هغه یې په «بېجراتۍ، ناتوانۍ او نورو» کړنو تورن کړ.
عبدالله عبدالله هم څو ورځې مخکې د نور خبرې نادیده وګڼلې.
