.jpg)
1393-ییل سیلاویده عطامحمدنور عبداللهدن حمایت قیلگنی اوچون خلقدن کیچیریم سورهدی. او مزارشریفده مارشال محمدقسیم فهیم نینگ وفاتی اوچینچی ییلیگینی ایسلش مراسمیده، اجراییه ریاستی ایجاد ایتیلیشیدن حاضرگه قدر خلق رأی ساتیلیب کیلماقده دیدی.
بلخ والیسی نینگ ایتیشیچه: «بیز سیلاو زمانیده عبداللهدن حمایت قیلیشده ادهشگن ایکنمیز.»
عبدالله نینگ کوچلی حامیلریدن بیری شوپیتده تنقیدله ماقده دیرکه شو سونگی کونلرده جمهور رییس لیک سرایی جناب نور بیلن مذاکره قیلگنلیگینی تأیید قیلدی.
بلخ والیسی حکومت کابینهسیده ینگی تعینلشلردن شکایت قیلهدی و ایتیشیچه، یشاوچیلر حقوقیدن حمایت قیلیش و کیلهجکده اولرنینگ رأی ساتیلیشی آلدینی آلیش سیاسی اوینلر و خلق حیاتی اوچون میدانگه چیقیشی ممکن.
بلخ والیسی نینگ کوپهیتیریشیچه، کابینهده آلینگن آدملردن بیرقطاری جمعیت حزبی اوچون قیزیل چیزیق ایدی، بیراق بولرنینگ ایستهگی و شرایطلری نظرده توتیلمسدن تنلاولر بولگن.
شونینگدیک بلخ والیسی: «ملی بیرلیک حکومت اجراییه باشلیغی حکومت ایچیده یشاوچیلر اینیقسه سیلاو کمپاینلریده اونگه یاردم بیرگنلر حقینی آلیش و اولردن دفاع قیلیشگه ناکام.» دیگن.
نورنینگ ایتیشیچه، اولر عبداللهنی کاخگه ییتیش اوچون حمایت قیلمهگنلر، بلکه خلقگه خدمت قیلیش اوچون اونی قولله گنلر.
عطامحمدنور: «بوندن کیین ادهشمسدن و اوتمیش اشتباهلریمیز تکرار ایتیلیمسلیگیگه حرکت قیلهمیز و خلق حقی اوچون کورشهمیز.» دیب تأکید قیلهدی.
اوشبو مراسمده دولتی نهادلر رسمیلری، بلخ ولایتی نینگ ملی کینگشدهگی نمایندهلری و ولایتی کینگش اعضالری، جهادی شخصیتلر، امنیتی کوچلر قومندانلری، قوملر یاش اولوغلری و یاشلر اشتراک ایتگن ایدی.
بوتوغریده اجراییه ریاستی فکرینی آلیشگه کوپلب تلاش قیلدیک، بیراق رسمیلر بیلن بوتوغریده سوزلشگه موفق بولمهدیک.
