اسلامی دولت گروهی (داعش) عراق نینگ موصل شهریگه هجوم قیلیش بیلن تاریخی و باستانی هیکل‌لرنی سیندیریش‌گه حرکت قیلگن. شونینگ‌دیک اوشبوگروه نینگ اعضالری شهر ایچکیریسی‌ده‌گی باستانی هیکل‌لرنی نابود قیلیشگن‌لر.
داعش گروهی جاری ییل اسد آییده عراق شمالیده جایلشگن موصل شهرینی تصرف قیلیش‌گه موفق بولدی. ایتیلیشیچه، مذکور تاریخی آبده سیندیریلیشی انسان حیاتده کیچیریلمی دیگن بیر آغیر حادثه دیر. اوشبو آبده نینگ تاریخی بابلی‌لر همده آشوریلر مدنیتی‌گه تیگیلیشی ایکنی تخمین قیلنه‌دی.
ایتیلیشیچه بو تاریخی آبده‌لرنینگ بعضی‌سینی 10 مینگ ییل تاریخی بولگن. اوشبو باستانی هیکل‌لر دنیا مدنیتی نینگ بیر بوله گی سنه له‌دی. ترقه تیلگن ویدیوده داعش گروهی بیر اعضاسی نینگ ادعا قیلیشیچه، مذکور تاریخی آبده فقط بت دیر.
بونده‌ی نرسه نی سیره هم بهاسی یوق. مذکور گروه نینگ باشقه بیر اعضاسی‌گه کوره، بابلی‌لر و آشوری‌لرگه قره شلی بولگن بونده‌ی هیکل‌لر یامغیر، ایکینچی‌لیک و اوروش خداسی دیب اتله‌دی، حال بوکه خداوند(ج) نینگ هیچ بیر شریگی یوق.
داعش گروهی اوشبو ویدیو لوحه‌ده بت‌لرنی توشیریب سیندیرگن‌دن سونگ، اولرنی تیکه – پارچه قیلب تشلیدیر. داعش حرکتی اعضالری نینگ اوشبو عملی اهالی خاطره سیده قورال‌لی طالب‌لر زمانیده بامیان بت‌لرینی سیندیریلیش‌نی تازه قیله‌دی.
مذکور حادثه‌دن سونگ، یونسکو تشکیلاتی بیرلشگن ملت‌لر تشکیلاتی نینگ شاشیلینچ ییغینی اوتکزیلیشی‌نی سوره گن. عین حالده، یونسکو تشکیلاتی بیرلشگن ملت‌لر تشکیلاتی‌دن عراق تاریخی آبده‌لری سقله نیب اویله نیشی‌نی طلب قیلگن.
یونسکو، بیرلشگن ملت‌لر تشکیلاتی بوندی آبده‌لر قولدن بیریلمس‌لیگی اوچون جدی بولیشی‌لری حقیده تاکیدله گن. یونسکو خلق ارا تشکیلاتی نینگ فرهنگی، علمی و اورگه تیش بولیمی نینگ مسوولی ایرینا یوکووا، موصل موزه سیگه قیلیگن هجوم، چیده‌ب بولیمی دیگن بیر واقعه بولگن لیگی‌نی ایتگن.
اونگه کوره، بو حادثه عراق امنیتی وضعیتی بیلن علاقه دار دیر. داعش گروهی بوندن آلدین ایریم مجسدلر، تاریخی مکان‌لر، مقبره‌لر و اونلب هیکل‌لرنی بوزیب تشلگن لیگی ایتیله‌دی.
