جوزجان ولایتی نینگ قرقین ولسواللیگیده یولگه قوییلگن نمایشده تورت نفر اولدگن و اون بیش کیشی ایسه یره دار قیلیگن. نمایش بوگون سهشنه حوت آیی نینگ 26 سیده اوتکزیلگن.
نمایش افغانستان و ترکمنستان چیگرهچیلرینینگ زوروانللیکلریگه عکسالعمللر بیلدیریب یولگه قوییلگن. ایتیلیشیچه، اعتراض هم هنوز دوامی بولگن. اعتراضچیلردن بیری جمعه مرادنینگ سلام وطندارگه ایتیشیچه، نیچه ییلدن بیری قرقین ولسواللیگینینگ یشاووچیلری شرین بویه اوسیملیگینی تیریش اوچون ترکمنستان چیگره سی تامان اوته دیلر.
اوشبو شخصلر هر دایم افغانستان و ترکمنستان چیگره چیلری تامانیدن تهدید ایتیلیب، کلتکلنهدیلر. جناب مرادگه کوره، انه شو باعث ولسواللیک نینگ یوزلب اهالیسی ولسواللیک بناسی قرشیسیده توپله نیب اعتراض بیلدیرگن.
شونینگدیک مراد، محلی رسمیلری اهالینینگ ایستهگیگه اعتبار بیرمه گونگه قدر، اوز نمایشلریگه دوام ایتیریشلری باره سیده آگاهلنتیرگنلر. اما، جوزجان ولایت اورین باسری عبدالرحمن محمودی نینگ سلام وطندارگه بیلدیریشیچه، اعتراضچیلر ایچیده دولت قوراللی مخالفلری هم کوزه تیلگن.
جناب محمود، مساله اوچون حل یول قدیریلیشی باشلنگن. قرقین جوزجان ولایتینینگ ولسواللیکلریدن. بو ولسوالیک آمو دریا قیرغاغیده جایلشگن. آمو دریاده یوز بیره دیگن سوو توغیانی نتیجه سیده هر ییلی مذکور ولسواللیک ایکین ییرلری نینگ کته قسمی ییمیریلب کیتهدی.
