ملی بیرلیک حکومت اجراییه باشلیغی، هردایم افغانستان تروریزیم قربانی بولگن و منطقه مملکت‌لری اوزلرینی ترورچیلرگه قرشی کوره‌ش حامی‌سی بیله‌دیلر، اما صادق ایمسلر دیدی.
بوگون (جمعه) اجراییه باشلیغی داکتر عبدالله عبدالله بامیانده یولگه قویلگن افغانستان و اورته آسیاس سوزلشیشلری تورتینچی ییغینیده اشتراک ایتیب، ترورچی گروه‌لرنی کته‌گوری قیلیب اولرنی مالی و حربی دستکلیدیلر دیدی.
جناب عبدالله، طالب، داعش، القاعده و باشقه ترورچی گروه‌لرنی یخشی یمانی یوق و برچه‌سی انسانلرگه دشمن دیدی.
مملکت اجراییه باشلیغی تروریست‌لردن حمایت قیله‌دیگن مملکت‌لردن آت توتمه‌دی، بیراق شو سونگی پیتلرده روسیه و ایراننی طالبلردن حمایت قیله‌دی دیگن گزارشلری ترقه تیلگن ایدی.
اوتگن کون بروکسلده ناتونینگ عمومی منشی‌سی ینس استولتنبرگ، روسیه‌نینگ طالبانگه یاردم بیریش گزارشی بیزگه ییتیب کیلگن، اما حاضرگه قدر انیق بیر حجت قولیمیزده یوق دیدی.
افغانستان و اورته آسیا سوزلشیش تورتینچی ییغینی بوگون جمعه بامیانده مطالعات و استراتیژیک مرکزی تامانیدن ایکی کون‌لیک ترورچی، عصیانچی گروه‌لرگه قرشی کوریش و منطقه‌ده یوکسلیشی آلدینی آلیش لایحه‌سی آچیلیش مراسمی‌ده امیریکه قوشیمچه، ناتونینگ نماینده‌سی، حکومت رسمیلری و مدنی جامعه اعضالری اشراکت ایتگن ایدی.
