ملی بیرلیک حکومت تشکیل ایتیلگنیدن تورت یریم ییل اوتماقده و شونچه مدتده جمهورلیک ریاستی و اجراییه ریاستی صلاحیت و قدرت تقسیماتی اوستیگه بوتونله‌ی کیلیشه آلمه‌گن‌لر و ایش بیلرمانلرنینگ ایشانچی گه کوره، بو مسئله کوپینچه فرصت‌لرنی نابود قیلگن.
حاضر اجراییه باشلیغی و جمهور رئیس، جمهورلیک ریاستی سیلاوی اوچون اوزلری‌نینگ نامزد قیلگن‌لر و حکومت رسمی‌لری مقاملریدن استعفاء بیریش موضوعی اورته گه چیققن.
اساسی قانون و سیلاو قانونی اساسیده، حکومت رسمی‌لری سیلاو اوچون نامزد بولگن صورتده، وظیفه‌لریدن چیکلنیش‌لری کیره‌ک؛ بیراق اساسی قانون چهارچوبه‌سیده اجراییه باشلیغی‌نینگ تقدیری معلوم بولمه‌گنی باعث، نیمه بوله‌دی ایکن؟
بوگون «یکشنبه» اجراییه باشلیغی عبدالله عبدالله‌نینگ جمهورلیک ریاستی سیلاوی اوچون رویخط‌گه آلینیش چاغیده ایتیشیچه، ملی بیرلیک حکومت سیاسی کیلیشوو اساسیده تشکیل ایتیلگن و او ملی بیرلیک حکومت یکونلنگونگه‌قدر مقامی‌ده قاله‌دی.
عین حالده، جمهور رئیس محمداشرف غنی، کیله‌جک جمهورلیک ریاستی‌نینگ سیلاوی گه نامزد بولیش اوچون سیلاولر کمیسیونی گه باریب و جناب عبدالله نینگ استعفاءسی توغریسیده خبرچی‌لرنینگ سوراقی گه جواب غیرمستقیم شکلده ایتیشیچه، بو موضوع مملکت اساسی قانونی‌ده آچیقلنگن.
باشقه تاماندن، جمهورلیک ریاستی سوزلاوچیسی‌نی اورین باسری شاه‌حسین مرتضوی، اجراییه باشلیغی‌نینگ استعفاء بیریشی توغریسیده بولگن موضوع‌نی حقوقدانلرنینگ توشونچه‌سیگه مراجعت قیلدیرگن و شونینگدیک، حقوقدانلرنینگ ایتیشیچه، اجراییه باشلیغی وظیفه‌سیدن چیکلنیشی کیره‌ک.
حقوقدانلردن بیری عبدالکبیر رنجبرنینگ ایتیشیچه، قانون اساسیده، جناب عبدالله و اورین باسرلری، جمهورلیک ریاستی‌نینگ سلاوی گه نامزد بولگن‌لری اوچون وظیفه‌لریدن چیکلنیش‌لری لازم.
عین حالده، سلام‌وطندارگه صحبت بیرگن نماینده‌لر کینگشی‌نی اعضاسی جعفر مهدوی‌نینگ ایتیشیچه، اجراییه باشلیغی نامزد بولیشی توغریسیده، جمهورلیک ریاستی و اجراییه ریاستی آره‌سیده سیاسی کیلیشوو بولمه‌گن صورتده، حکومت تشکیلاتی‌ده قیین‌چیلیک و قره‌مه قرشی‌لیک یوز بیریشی ممکن.
جناب مهدوی گه کوره، اجراییه ریاستی‌نینگ استدلالی سیاسی کیلیشوونامه دیر؛ بیراق بو کیلیشوونامه‌نینگ زمانی ارگ تیمی اوچون یکونلنگن.
اجراییه باشلیغی عبدالله عبدالله و جمهور رئیس محمداشرف غنی، بوگون سیلاولر ایرکین کمیسیونی گه باریب و کیله‌جک جمهورلیک ریاستی سیلاوی‌نینگ نامزدلری صفتیده اوزلرینی رویخط‌گه بیرگن‌لر.
