ملی بیرلیک حکومت اجرایی رییسی داکترعبدالله عبدالله حقیقت‌لر خلقدن یاشیریلمسلی‌گی‌نی تیلگه آلدی.
شنبه 5- ثورده افغانستان اجرایی رییسی «رسانه‌لر و اوزگریش دهه‌سی» عنوانلی اولتیریش‌ده سوزگه چیقیش قیلیب ایتیشیچه، اوتمیش 13 ییل ده‌گی کتته یوتوقلردن بیری سوز ایرکین‌لیگی ایکن لیگی‌نی اورغوله‌ب، خلقگه حقیقت‌لرنی ایتیش اوچون رسانه‌لر اوز بورچ‌لرینی توغری شکلیده بجریشلرینی ایسته‌دی.
جناب عبدالله، حکومت سوزلاوچی‌لریدن کوپی‌سی رسانه‌لرگه اطلاعات‌نی انیق شکلیده بیرمه‌گن‌لیک‌لری خصوصی‌ده اشاره قیلیب، حکومت بوتوغریده جدی توجه قیله‌دی و سوزلاوچی‌لر باید رسانه‌لرگه جواب بیرسه دیدی. او، هیچ بیرحقیقت افغان یشاوچی‌لری کوزیدن یاشیریلیب قالمه سلیگی‌نی تیلگه آلدی.
اجرایی ریاست باشلیغی، حاضرگه قدر اطلاعات‌ده قول تاپیش قانونی توغری شکلیده عملگه آشمه‌گن و کون اوتیشی بیلن خبرچی‌لر موضوع خصوصی‌ده قینه‌لیش‌لرینی کوزه‌تدی.
افغانستان خبرچی‌لری‌نینگ فدراسیون هیأتی عضوی بولمیش نجیب‌الله شریفی‌نینگ ایتیشیچه، شو سونگی ییل‌لرده رسانه‌لر طالب‌لر و حکومت قرشی سیده بولگن گروه‌لر نفعی‌گه فعالیت قیلگن‌لر.
جناب شریفی‌نینگ کوپه‌یتیریشیچه، حکومتی نهادلر سوزلاوچی‌لریدن کوره، طالب‌لر تیزلیکده اطلاعات‌نی رسانه‌لر اختیاری‌گه بیره‌دی و شو اساسده هم رسانه‌لردن اوز نفع‌لریگه ایش آلگن‌لر.
اجرایی ریاست باشلیغی، ایریم بولیم‌لرده سوزلاوچی‌لرنی سهل‌انگارلیک‌لرینی قبول قیلدی و حکومت اطلاع بیریش توغری سیده خاموش قالمس‌لیگی‌نی بیلدیردی.
جناب عبدالله، تحقیقی خبرچی‌لیک‌گه اشاره قیلیب، کوپ زماندن بویان مذکور بولیم آزه‌یب کیتگن‌لیگی‌نی تیلگه آلدی. او تحقیقی خبرچی‌لیک‌نی حکومت تامانیدن افشا بولگن موضوع‌لر اوچون جدی آلینمه‌گن‌لیک دلیلی و خبرچی‌لرگه عاید تهدیدلر دیب بیله‌دی.
نیچه پیت آلدین افغانستان ایرکین رسانه‌لر حامی‌سی(نی)، خبرچی‌لر وضعیتی‌نی کوریب اوتیش اوچون تیکشیروو اوتکزگن ایدی. مذکور تیکشیروده حکومت بیرینچی 6 آیی ایش دوری کوریب اوتیلگن و کورینیشیچه، 305 خبرچی و رسانه‌لر مسؤول‌لری بیلن سوز اوتکزیلگن.
تیکشیروده، قولده کیلگن گزارشلرگه قره‌گنده، ینگی حکومت یوزه‌گه کیلیشی بیلن خبرچی‌لر وضعیتی آلدین‌دن کوره یمان بولگن.
اولکه اجرایی ریاست باشلیغی خبرچی‌لرگه عاید اوتکزیلگن خشونت‌لردن خواطر کورستدی و شونینگ‌دیک حکومتی نهادلردن خبرچی و گزارش‌گر بیلن یخشی کیلیشیک قیلیش‌لرینی سوره‌دی.
