افغانستان اجراییه باشلیغی عبدالله عبدالله، «برقرارلیک و بیردملیک» شعاری بیلن کیله‌جک جمهورلیک ریاستی‌نینگ سیلاوی اوچون رویخط‌گه آلیندی. عنایت‌الله بابر فرهمندنینگ بیرینچی اورین باسری صفتیده و اسدالله سعادتی‌نینگ ایکینچی اورین باسری صفتیده تانیشتیرگن.
رویخط‌گه آلینیشیدن آلدین یولگه قوییلگن ییغینیده جناب عبدالله عبدالله نینگ ایتیشیچه، کوپریک‌دن اوتیش اوچون سیلاو تیرمه جماعه‌سیگه قره‌مه‌ی و بو یول‌نی سونگی‌گه قدر تیرمه جماعه‌سی بیلن دوام بیره‌دی. اونگه کوره، افغانستان حساس بیر وضعیت‌ده قرار تاپگن، بیراق سیلاو کمپاین‌لری او و تیرمه جماعه‌سینی بونده‌ی حساس وضعیت‌ده ملی منفعت‌لردن اوزاقلشتیرمه‌یدی.
جناب عبدالله نینگ ایتیشیچه، افغانستان یوقاری شعارلر بیلن قوریلمه‌یدی و بو مملکت صداقت و عمل اساسیده، آباد بوله‌دی.
ملی بیرلیک حکومت اجراییه باشلیغی‌نینگ ایتیشیچه، کیله‌جک سیلاو اوچون بونده‌ی سیلاو تیرمه جماعه‌لر تشکیل ایتیلیشی کوتیلمه‌گن ایدی. اونینگ اورغولشیچه، سیلاو افغانستان اهالیسی اوچون سالم بیلشوو میدانی دیر و بو بیلشوو دوشمن‌لیک‌که اوزگرمه‌سی کیره‌ک. اونینگ ایتیشیچه، ملی بیرلیک حکومت قیین‌چیلیک‌لردن چیقیش اوچون تشکیل ایتیلدی، بیراق یول دوامیده، رقیبی بولگن تیم‌گه ایری بیر تیم کوزی بیلن قره‌مه‌گن.
او، افغانستان سیلاولرینی قیزیق واقعه‌لر بیلن بیرگه بیلیب و کیله‌جک جمهورلیک ریاستی اوچون اوتگن کون اسلامی حزب رهبری گلبدین حکمتیار رویخط‌گه آلینگنی گه اشاره قیلیب ایتیشیچه، «بیش ییل ایلگریگچه افغانستان اهالیسی گه قرشی سنگرلرده اوروشگن کیشی» فقرالیک حقی‌دن فایده‌لنیب و دموکراتیک یولی‌دن قدرت گه ایریشیش اوچون سیلاو میدانی گه کیرگن.
سوزلری سونگی‌ده جناب عبدالله نینگ ایتیشیچه، تینچلیک ایسته‌یدیلر؛ او و تیرمه جماعه‌سی‌نینگ توشونیشیچه، برقرار و عدالت‌لی بولمه‌گن تینچلیک هیچ قچان دایمی بولمه‌یدی.
.jpg)
شونینگدیک، اوشبو ییغینده افغانستان جمهور رئیسی‌نینگ بیرینچی اورین باسری و ملی اسلامی جنبش حزبی‌نینگ رهبری جنرال عبدالرشید دوستم، جناب عبدالله نینگ تیرمه جماعه‌سیدن حمایت بیلدیرگن.
جناب دوستم‌نینگ ایتیشیچه، میلادی 2014- ییل سیلاو کمپاین‌لریده اهالی گه یوتوققه ایریشیشی توغریسیده سوز بیریب و یوتوققه ایریشگن ایدی و شونینگدیک، بو سیلاوده هم یوتوققه ایریشه‌دی.
اوشبو ییغینده تینچلیک عالی کینگشی‌نینگ باشلیغی و وحدت اسلامی حزبی‌نی رهبری کریم خلیلی‌نینگ ایتیشیچه، برقرارلیک و بیردملیک تیرمه جماعه‌سی مملکت‌نی ثبات‌سیزلیک و اتفاقسیزلیک‌نی قوتقره‌دی.
جناب خلیلی جمهورلیک ریاستی سیلاوی‌نینگ باشقه نامزدلریگه خطاب ایتیشیچه، رقیب اورنی گه رفیق بولیش‌لری کیره‌ک. خلیلی‌نینگ ایشانچی گه کوره، حاضرگی حساس شرایط‌ده پارچه‌پارچه بولیش جایی گه بیرلشیش‌لری کیره‌ک.
اجراییه باشلیغی عبدالله عبدالله‌نینگ سیلاو تیرمه جماعه‌سی جمهور رئیس‌نینگ ایکی اورین باسری، اجراییه باشلیغی و اجراییه باشلیغی‌نینگ ایکی اورین باسریدن عبارت و شونینگدیک، سیاسی تیزیم اوزگریشی و باش وزیرلیک پستی ایجاد ایتیلیشی مذکور تیرمه جماعه‌نینگ برنامه‌لریدن سنله‌دی.
ایتیش کیره‌ک کیم عبدالله عبدالله افغانستان اسلامی جمعیت حزبی‌نینگ تنلنگن نامزدی دیر و عین حالده، مذکور حزب‌نینگ ییریک و کوچلی اعضالریدن بیرقطاری، جمله‌دن محمدیونس قانونی، عطامحمد نور و محمد اسماعیل خان تینچلیک و اعتدال سیلاو تیرمه جماعه‌سی‌نینگ رهبری محمدحنیف اتمرنینگ نامزدلیگی‌دن حمایت قیلگن‌لر و جناب قانونی، اتمرنینگ بیرینچی اورین باسری صفتیده تانیشتیریلگن.
