.jpg)
افغانستان تینچلیک جریانی و اونگه ییتیش خصوصیده بولگن خواطرلر دوامیده، بوگون میدیا مسؤوللری بیلن قوشمه ییغین اوتکزگن ملی بیرلیک حکومت اجراییه باشلیغی عبدالله عبدالله‌نینگ ایتیشیچه، حکومت تشکیلاتیده بیر مسؤول و بیر یشاوچی صفتیده، تینچلیک تأمین‌لنیشی اولرنینگ اولویت‌لریدن دیر.
جناب عبدالله‌نینگ تینچلیک لایحه‌سی سُست‌لیگ‌دن تنقید قیلیب ایتیشیچه، طالبان گروهی تینچلیک‌که قرشی اینگ کته توسیق دیر و اوشبو گروه وقت‌نی ضایع قیلیش اوچون سعی و حرکت قیله‌دی.
ملی بیرلیک حکومتی‌نینگ اجراییه باشلیغی، تینچلیک سوزلشوولری خصوصیده افغانستان سیاستچی‌لری آره‌سیده بولگن تارتیشوولردن تنقید قیلیب و اولردن اوزلریده بیرلیک‌لرینی سقلش‌لرینی سور‌ه‌گن.
جناب عبدالله‌نی امریکا حربی‌لری‌نینگ افغانستاندن چیقیشی خصوصیده اهالی‌نینگ خواطرلریگه اشاره قیلیب ایتیشیچه، افغانستانده امریکانینگ دایمی پایگاه‌سی توغریسیده، هیچ‌قندی صحبت ایتیلمه‌گن، بیراق تینچلیک تامین ایتیلگن صورتده، امریکانینگ افغانستانده‌گی یاردمی‌نی اوزگریشی ممکن.
عبدالله گه کوره، حاضرده مملکت‌دن دفاع قیلیش و خوفسیزلیک‌نی تامین‌لش مملکت امنیتی کوچلری بوینیگه دیر.
اونینگ کوپه‌یتیریشیچه، تینچلیک سوزلشوولری خصوصیده سیاسی رهبرلر آره‌سیده موجود بولگن تارتیشوولرده، دولت مسووللری مقصر دیر. عبدالله گه کوره، قطار سیاستچی‌لر دولت‌نی ضعیف قیلیش اوچون سعی و حرکت قیله‌دی.
.jpg)
اونینگ ایشانچی‌گه کوره، تینچلیک سوزلشوولری‌نینگ دوامی خصوصیده دولت مسووللری، سیاستچی‌لر، حزب‌لر، مدنی جماعه و مملکت دین عالملرینینگ قوشنی قرار قیلیشی کیره‌ک.
عینحالده، مملکت جمهور رییسی محمداشرف غنی‌نینگ شهید بولگن امنیتی کوچلرنی عایله‌لریگه کوپون توزیع ایتیلیش لایحهسینینگ آچیلیشی جریانیده ایتیشیچه، تینچلیک بهانه‌سی آرقه‌لی امنیتی کوچلرگه زیان ییتیشتیریش اوچون کیم‌سه گه اجازه بیرمه‌یدی.
جناب غنی‌نینگ کوپه‌یتیریشیچه، افغانستان یشاوچیلری‌نینگ تینچلیک ایسته‌یشی خصوصیده، هیچ‌قندی شک یوق، بیراق تانک‌لر و حربی تجهیزات‌لرنی قوشنی مملکت‌لرده کهنه تیمور بهاسی‌گه ساتیلیشی‌نی قبول قیلمه‌یدی.
سونگی کونلرده افغانستان تینچلیک سوزلشوولری شدت تاپگن. ایرته "سه‌شنبه" طالبلر نماینده‌لری و افغانستان سیاسی چهره‌لریدن بیرقطاری‌نی تینچلیک سوزلشووده اشتراک قیلیش اوچون مسکوگه سفر قیلیش‌لری ممکن.
