.jpg)
اجرایوي رییس عبدالله عبدالله نن د وزیرانو شورا په غونډه کې وویل چې د بینالافغاني خبرې اترو غونډه چې ټاکل شوې وه په دوحه کې جوړه شي، د ناسم مدیریت له امله لغوه شوه.
عبدالله وايي، «له بده مرغه د ناسم مدیریت له امله د قطر غونډه لغوه شوه او هغه فرصت چې د خبرو اترو لپاره برابر شوی و، له منځه لاړ.»
عبدالله عبدالله دا چې دا ناسم مدیریت د چا له لوري شوی، څه و نه ویل.
هغه وايي، حکومت دا چمتووالی لري چې د فرصت رامنځته کېدو پر مهال له دولت او افغانانو ښه استازولي وکړي.
اجرایوي رییس د مصالحې رهبري شورا د کار پر دوام د ټینګار ترڅنګ وویل، باور لري چې یاده شورا به سولې ته د رسېدو برخه کې له حکومت سره همکاري وکړي.
په همدې حال کې د امریکا د بهرنیو چارو وزیر مایک پمپیو له ولسمشر محمداشرف غني سره په ټیلیفوني خبرو کې د دوحې غونډې د لغوه کېدو په اړه ناهیلې ښودلې او ویلي یې دي چې دواړه لوري دې د قطر په غونډه کې د ګډونوالو پر نوملړ هوکړې ته ورسېږي او دا بینالافغاني غونډه باید ژر تر ژره جوړه شي.
اړوند مطالب:
هغو مېرمنو چې قطر ته د طالبانو بلنه نهده منلې له ګواښ مخ دي
ارگ: بینالافغاني غونډه قطر لغوه کړې
د قطر بینالافغاني غونډه چې ټاکل شوې وه د همدې اوونۍ په شنبې او یکشنبې ورځو په دوحه کې جوړه شي، د ګډونوالو د نوملړ پر سر د اختلاف له کبله لغوه شوه.
