د ولسي جرګط نننۍ غونډه هم بېپایلې پای ته ورسېده او رایېاچونې ته د یوې جنجالي رایې اچول د ولسي جرګې غړي په دوو برخو ووېشل.
د ولسي جرګې د غړیو ترمنځ د اختلاف د حلولو کمېټې نن جنجالي رایه په عمومي غونډې کې په علني ډول د رایېاچونې لهپاره وړاندې کړه چې ۱۳۰ استازیو د شین کارت په پورته کولو سره دا رایه تایید کړه؛ خو ځېنې یې بیا دا رایه ناسمه بولي او وايي چې د کمېټې پرېکړه نهمني.
هغو شمېر وکیلانو ـ چې دا رایه تایید کړې ـ میرالرحمان رحماني د ولسي جرګې د ریاست څوکۍ ګټونکی بولي او وايي چې له راتلونکې شنبې به د ولسي جرګې عادي غونډې پیل شي؛ خو ځېنې بیا د نوي رییس د ټاکلو لهپاره پر ټاکنو ټینګار کوي.
عبدالقیوم سجادي ـ چې د ولسي جرګې د مخته وړلو او رایېاچونې ته د جنجالي رایې وړاندې کولو مسوولیت یې په غاړه لرلو ـ رسنیو ته وویل چې ښاغلی رحماني د ۱۳۰ تایید استازیو له لوري د ولسي جرګې د ریاست ګټونکی بولي او له هغه غواړي چې له خپل حقه دفاع وکړي.
ښاغلی سجادي وايي چې میرالرحمان رحماني څو ځلې د ځېنو وکیلانو، د اختلافونو د حل کمېټې او په علني ډول رایېاچونې کې د ولسي جرګې د رییس په توګه غوره شویدی.
د ده په خبره، د ولسي جرګې ځېنو غړیو د شخصي او قومي ګټو په پار ولسي جرګه انحصاري کړې او نه غواړي چې دا لانجه پای ته ورسېږي.
خو په د ټاکنو په دویمه دوره کې د ښاغلي رحماني سیال کمالناصر اصولي د اختلافونو د حل کمېټې پرېکړه یو طرفه بولي او وايي چې دا کمېټه د ټولې ولسي جرګې د پرېکړې حق نهلري.
لهدې سره د جرګې ځېنې غړي دا جنجالونه په خپل ډول کې تازه نه بولي او وايي چې د نړۍ په کچه په ډېرو هېوادونو کې ورته جنجالونه پېښېږي.
ورته مطالب:
