بوگون «دوشنبه» کابل‌ده کابینه ییغینیده ملی بیرلیک حکومت اجراییه باشلیغی داکتر عبدالله عبدالله‌نینگ ایتیشیچه، قویاش 1396- ییل ملی بیرلیک حکومت اوچون خوفسیزلیک و سیاسی نقطه‌ی نظردن کوپینچه موضوعلرگه روپه‌ره بولگن ییل‌لردن بیری ایدی.
جناب عبدالله گه کوره، جمهورلیک ریاستی و بلخ ولایتی‌نینگ سابق حاکمی عطامحمد نورنینگ آره‌سیده وجودگه کیلگن قره‌مه قرشی‌لیک‌لر تیزلیک‌ده حل ایتیلیشی ممکن.
عبدالله عبدالله نینگ بو بیاناتی‌دن بیر هفته آلدین، ملی خوفسیزلیک عمومی باشلیغی معصوم استانکزی و جمهور رییس‌نینگ اقتصادی مصلحتچیسی سلام رحیمی، ارگ و بلخ ولایتی‌نینگ سابق حاکمی عطامحمد نورنینگ آره‌سیده وجودگه کیلگن قره‌مه قرشی‌لیک‌لرنی حل قیلیش اوچون بلخ ولایتی‌گه بارگن ایدیلر.
