بوگون جمعه توش‌دن آلدین ملی بیرلیک حکومتی‌نینگ اجراییه باشلیغی، اوغیرلنگن 31 مسافر اوچون برپا ایتیلگن تحصن چادریگه باریب، اوغیرلگن‌لر خانه‌دانی بیلن اوچره‌شیب ایتیشیچه، اوغیرلگن‌لرنی مخالف‌لر بیلن المشتیریش بیر رسم‌گه ایلنمس لیگی کیره‌ک.
مدنی جماعه‌چیلیک فعال‌لری همده اوغیرلنگن‌لرنینگ خانه‌دانی حادثه دن 45کون اوتگن‌دن سونگ اعتراض بیلدیریب، 31 مسافر تقدیری اوچون حکومت رسمی‌لری بی‌فرق قاله یاتگن‌لیک‌لری سبب کابل نینگ زرنگار پارکی‌ده خیمه تیکلیب تحصن اعلان قیلدی‌لر.
تحصن قیلگن‌لر، اوشبو 31 یولاووچی‌نی آزاد ایتیش دولت برنامه‌سی نینگ بیرینچشی رجه‌سی بولیشی بارهسیده تاکید لگن‌لر.
تحصن چادری تیک‌لنگن‌دن بیش کون اوتماقده. اما، مسافرلر آزاد ایتیلیشی اوچون دولت نیمه برنامه قول‌گه آلگن لیگی هم انیق ایمس.
مدنی جماعه‌چیلیک، مدیا و اوغیرلنگن‌لر خانه‌دانی حضوریده سوزله‌گن عبدالله نینگ ایتیشیچه، اوغیرلنگن‌لر اورنی‌ده دولت قوراللی مخالف‌لرینی قوییب یوباریلیشی مملکت باشقه یشاووچیلری امنیتی‌نی خطرگه روپه ره قیله‌دی.
شونینگ‌دیک عبدالله 31 یولاووچی اوغیرلنگن لیگی‌دن 49 کون اوتگن‌دن سونگ بولر بیلن اوچرشماقده. اوغیرلنگن‌لر خانه‌دانی بیلن اوچرشگن عبدالله، بو خانه‌دانلر بیلن وقتی‌ده اوچره‌شه آلمه‌گن‌لیگی‌دن عذر سوره‌گن.
عبدالله عبدالله، 31 مسافرنینگ مساله‌سی ملی خوفسیزلیک کینگشی آرقه‌لی جدی تشکیریلیشی‌نی بیلدیرگن.
حکومت‌نینگ اجراییه باشلیغی دولت نظری‌دن اینگ مهم مساله، اوغیرلگن‌لرنینگ جانی مساله‌سی دیر. انه شو سبب برچه موضوع بارهسیده مدیاگه سوز بیره آلمس لیگی‌نی بیلدیرگن عبدالله.
عبدالله، مدنی جماعه‌چیلیک فعال‌لری همده اوغیرلگن‌لرنینگ خانه‌دانی ملی خوف‌سیز کینگشی‌گه کیلیب، 31 مسافر آزاد ایتیلیشی اوچون هنوزگچه آلینگن تدبیرلر بارهسیده جریانگه بولیش لرینی طلب قیلگن.
اونگه کوره، اهالی امنیتی‌نی تامین قیلیش دولت‌نینگ وظیفه‌سی دیر و دولت هم بو توغریده بی‌فرق قالمی امکان قدر سعی و حرکت آلیب بارگن.
اعتراچی‌لر: 31 مسافر اوچون دولت بی فرق قالماقده.
بوندن آلدین مرازشریف، غزنی، هرات و باشقه بیر قطار ولایت‌لرده اوغیرلنگن‌لر اوچون حکومت بی‌فرق قاله یاتگن لیگی‌گه عکس‌العمل بیلدیریب، اعتراض‌لر اوتکزیلگن ایدی.
عین حالده، حکومت‌نینگ اجراییه باشلیغی اوغیرلنگن‌لر خانه‌دانی گه فرزندلری آزاد ایتیلیشی اوچون وعده بیرگن.
شونینگ‌دیک داکتر عبدالله عبدالله 31 یولاووچی‌نی اوغیرلنگن‌لیگی تینچ لیک مذاکره‌لر بیلن علاقه‌سی بولگن لیگی‌نی هم رد قیلمه‌گن.
عین حالده، افغانستان ایچکی ایش‌لر وزیرلیگی تحصن قیلگن‌لرگه خط یوللب، اوغیرلنگن‌لرنینگ اسمی‌نی رویخط اساسیده یازیب بیریش لرینی سوره‌گن، بو کورینیشیچه هنوز هم ایچکی ایش‌لر زویرلیگی اوغیرلنگن‌لرنینگ نامی‌نی بیلمیدی.
اوشبو مسافرلر بوندن چمه‌سی ایکّی آی آلدین قندهار – عمومی ترانسپورت یولی‌ده کابل کیله‌دیگن چاغده اوغیرله‌نیب نا معلوم ییرگه آلیب کیتیلگن ایدیلر. ایتیلیشیچه، هنوز هم بولرنینگ تقدیری توغری‌سیده انیق معلومات قولده ایمس.
