سلام‌وطندارگه ییتیشگن حجت‌لرگه کوره، فراه ولایتیدن نماینده‌لر کینگشی‌نینگ سیلاوی گه نامزد، سابق حربی و تانیقلی سیمالردن بولگن عبدالستار حسینی، فراه ولایتی‌نینگ سابق حاکمی آصف ننگ‌نینگ جانی گه سوء قصد قیلیش، اوغیرلاوچیلیک، فراه و فراه‌رود قتناو یولیده حربیلرنی گروگه آلیش، ناقانونی قوراللی کیشی‌لری بارلیگی، دولتی ییرلرنی غصب قیلیب و ساتیش، قاچاق و قاچاقچیلرگه همکارلیک قیلیش، مأموریت‌لری جریانیده وظیفه‌یی صلاحیت‌لریدن ناتوغری فایده‌لنیش، قاچاقچیلرنینگ نقلیه واسطه‌لری باریب و کیلیشی اوچون بازارچه‌نی کلیدی پوسته‌لری‌نینگ مسؤوللرینی یول‌نی آچیق قوییش‌لری توغریسیده تهدید قیلیش، ناراضیلیک نمایش‌لرنی یولگه قوییش و تیزیم و حکومت‌نی سبوتاژ قیلیش‌گه عیبلنگن. شونده‌ی بیر موضوعلرگه قره‌لمه‌ی، فراه ولایتیدن بولگن نماینده‌لر کینگشی سیلاوی‌نینگ نامزدلری آره‌سیده یوقاری آواز قولگه کیریتگن‌لردن بیری دیر.
ایکی ییل آلدین، فراه ولایتی‌نینگ سابق حاکمی محمدآصف ننگ تامانیدن مرکزی حکومت و محلی ارگانلرگه یوباریلگن نامه و گزارش گه کوره، او، 1395- ییل، 21- دلو ده نیمروز ولایتی‌نینگ سابق حاکمی سرور ثبات نینگ اوغلی‌نی فاتحه مراسمی گه باره‌دی. مسجدگه کیریشیدن آلدین، مسجد صحنی و تام اوستیده آغیر و یینگیل قوراللر بیلن جهازلنگن کیشی‌لرنی کوره‌دی؛ بیراق فنی قیینچیلیک باعث، قوراللی‌لردن بیری‌نینگ قورالی بند بوله‌دی و سوءقصد ناکام قاله‌دی. شونده‌ی بیر حالت‌ده جناب ننگ، قوروقچی‌لری و آقسقال‌لر آرقه‌لی اورته گه آلینیب مسجدگه انتقال بیریله‌دی.
.jpg)
جناب ننگ نینگ اوشبو رسمی نامه‌ده ادعا قیلیشیچه، بو سوءقصد عبدالستار حسینی تامانیدن ریجه‌لنگن ایکن. فراه ولایتی‌نینگ سابق حاکمی، بو گزارش‌نی باشقه بیر بولیمی‌ده عبدالستار حسینی‌نینگ ناقانونی قوراللی کیشی‌لری بارلیگی، ایران استخباراتی تشکیلاتی بیلن علاقه‌دارلیک، مخدره ماده قاچاقی و دولتی ییرلرنی غصب قیلیب و ساتیش گه عیب‌دار کورستگن.
حاضر لغمان حاکمی بولگن محمدآصف ننگ نینگ ایتیشیچه، بو واقعه‌دن سونگ اوزی جانی گه قصد قیلینگن قوراللی هجوم قنده‌یلیگی‌نی کشفی، ملی خوفسیزلیک، ملی خوفسیزلیک قاره‌لاوچیلیگی و عدلی و قضایی اداره‌لریگه بیان قیلگن، بیراق حاضرگچه واقعه تیکشیریلمه‌گن. جناب ننگ گه کوره، اونینگ جانی گه قصد قیلینگن هجوم تیکشیریلمه‌گنی و صلاحیت‌دن ناتوغری فایده‌لنیش آچیقلنمه‌گن؛ بیراق کورینیشیچه، بو واقعه آرقه‌سیده قطار سیمالرنینگ قولی بار. اونینگ ایتیشیچه: « بیر حاکم هجوم گه دوچ کیله‌دی یا-ده جانی گه قصد قیلینه‌دی و قضیه ایسه، ملی خوفسیزلیک قاره‌لاوچیلیگی‌گه تاپشیریله‌دی و کورینیشیچه، ملی خوفسیزلیک قاره‌لاوچیلیگی بو قضیه‌نی جدی آلمه‌گن. شونینگدیک، مکتوب‌لرنی کاپی‌سینی ملی خوفسیزلیک و باشقه اداره‌لرگه یوبارگن ایدیم و بو موضوع جدی شکلده تیکشیریلیشی‌نی کوتردیم، بیراق تأسف بونده‌ی بولمه‌دی.
بونینگ یانیده، ملی مدافعه وزیرلیگی‌نینگ کشفی اداره‌سی تامانیدن ملی خوفسیزلیک کینگشی گه یوباریلگن مکتوب نی کورستیشیچه، عبدالستار حسینی اوغیرلاوچیلک و فراه-فراه‌رود قتناو یولیده حربی‌لرنینگ گروگه آلیشی خصوصیده عیبلنگن.
حجتلرنینگ باشقه بیر بولیمی نی کورسه‌تیشیچه، جناب عبدالستار حسینی وظیفه جریانیده غرب زونی‌نینگ کشفی اورین باسری صفتیده اوز صلاحیتی‌دن فایده‌لنیب قطار قاچاقچی‌لرنی قوییب یوباریب و اولرنینگ قاچاقی موادی نی تالان ایتگن. بو مکتوب‌نینگ باشقه بیر بولیمی‌گه کیلیشیچه: « ایچکی ایشلر وزیرلیگی تامانیدن بورمحمدنینگ قوییب یوباریلیشی توغریسیده فراه قومندانلیگی گه یوباریلگن هیأت، عبدالستار و یولداشلری‌نینگ خصوصیده یازیشیچه، مذکور کیشی‌لرنینگ وظیفوی صلاحیتلر‌دن سو استعمال و اداری فسادلری توغریسیده معلومات کورسته‌دی. بونینگ یانیده 58 اداره 65- قاغذی‌ده ستار و یولداشلر‌نینگ قاچاقچیلرگه همکارلیک بیریشی نی بیلی قیله‌دی و شونینگدیک ملی خوفسیزلیک ریاستی‌نینگ ع مدیریتی اِیسلنگن صحیفه‌ده عبدالستار کلیدی پوسته‌لر مسئولرینی قاچاقچیلرنینگ موترلری گه قیینچیلیک یرتمه‌سی توغریسیده تهدید قیلنگنی نی تصدیقله‌یدی.»
بولرنینگ یانیده باشقه حجتلرنینگ کورستیشیچه، قویاش 8/4/1397 تاریخ‌ده فراه ولایتی‌نینگ حربی ریاستی قطار حربیلرنی تدقیقات لایحه‌سینی یکونلنیشی اوچون هرات 705 چیگره کوچلری قومندانلیگی‌ده حاضرلنتریش بویروغی‌نی بیرگن و بولرنینگ آره‌سیده غرب زونی‌نینگ کشفی اورین باسری عبدالستارنینگ آتی کورینه‌دی.
فراه ملی خوفسیزلیک ادراه‌سی‌نینگ قارالاوچیلیک باشلیغی خلیل‌الله امینی‌نینگ ایتیشیچه، سابق والی جناب آصف ننگ نینگ ادعاسی اساسیده، عبدالستار حسینی‌نینگ قتل گه اقدام قیلیش خصوصیده عیبلب اوشلب آله‌دیلر. بیراق اولرنینگ تیرگاوی و تدقیقاتی‌نینگ نتیجه‌سیده، مذکور اتهام بیلی بولمه‌یدی. امینی جنابلری، عبدالستار حسینی فراه ملی خوفسیزلیک ادراه‌سی‌نینگ قارالاوچیلیگی همکارلیگی بیلن قوییب یوباریلگنی نی رد قیله‌دی.
امینی جنابلری‌نینگ ایتیشچه: «بیزلر بو نتیجه‌گه ییتیشدی کیم اوشبو موضوع سیاسی بیر موضوع دیر و حجت و سندلر بولمه‌گنی باعث بو بیرادعا بولیب قاله‌دی.
نهایت‌ده مذکور موضوع بیزلرنینگ اداره‌میز و باشقه مقام لرنینگ تصدیقی اساسیده، اوشبو موضوع سقلنه‌دی و سیزلر ایسله‌گن اداری فساد و باشقه بولیم‌لرده بیزلرنینگ حجتی‌میز یوق.»
عبدالستار حسینی، قانون نی ایاق آستی قیلیش و صلاحیت‌لریدن ناتوغری قوللنیش خصوصیده، عیبلنگن حالده هم، فراه ولایتیدن اوزی‌نی نماینده‌لر کینگشی‌ده نامزد قیلیب و یوقاری آواز هم قولگه کیلتیرگن.
قطار منبع‌نینگ سلام‌وطندارگه ایتیشیچه، جناب حسینی‌نینگ قانون‌گه قرشی حرکتی، مسوول‌سیز قورالی کیشی‌سی بارلیگی، قاچاقچیلرگه همکارلیک قیلگنی، صلاحیت‌لریدن ناتوغری قوللنیلگنی و فراه ولایتی‌نینگ سابق حاکمی جانی‌گه سوءقصد قیلگنی خصوصیده قطار حجت‌لر سیلاولر شکایت‌لرینی تینگلش کمیسیونی‌گه یوباریلگن.
بیراق، سیلاولر شکایت‌لرینی تینگلش کمیسیونی‌نینگ سوزلاوچیسی علی‌رضا روحانی‌نینگ سلام‌وطندارگه ایتیشیچه، «سیلاولردن ایلگری ییتیشگن دوسیه‌لر و شکایت‌لر ولایت‌لرده بیزلرنینگ کمیسیونلریمیز آرقه‌لی تیکشیریلگن و بیرقطاری حذف ایتیلگنی گه سیزلر گواه سیزلر. سیلاودن کیین یوز بیرگن واقعه‌لر سیلاوگه تیگیشلی بوله‌دی و بو دوسیه‌لر بیزلرنینگ ولایتی کمیسیونلریمیز آرقه‌لی تیکشیریلگن و حاضر استیناف طلب ایتماقده.
جناب روحانی‌نینگ ایتیشیچه، حاضرگه‌قدر 12 مینگ‌دن آرتیق شکایت، سیلاولر شکایت‌لرینی تینگلش کمیسیونی‌گه ییتیشگن و تیکشیروولرینی دوامی بار.
جناب حسینی‌گه تیگشلی بولگن دوسیه‌لرنی تیکشیریش جریانیده، ینگی حجت‌لرگه قول تاپگن میز، مذکور حجت‌لرگه کوره، عبدالستار حسینی قویاش 29-8-1397 تاریخی‌ده اوچ کیشی‌نینگ قولگه آلینیشی و زور بیلن اولردن اعتراف آلیش دستورینی بیرگن. بیراق، قولگه آلینگن کیشی‌لردن محمد‌حسین، جناب حسینی‌نینگ حرکتی‌گه قرشی کیلیب و حسینی‌گه تیگیشلی بولگن کیشی‌لر قولی‌دن قاچیب کیتیشنی ایسته‌گن بیرچاغده، عبدالستار حسینی‌نینگ ایناغه‌سی عبدالجبار حسینی تامانیدن آتیب اولدیریلگن.
بو توغریده فراه پولیس قومندانی‌نینگ فکرینی آلیش اوچون سعی و حرکت قیلدیک، اوشبو ولایت پولیس قومندانی رحمت‌الله صدیقی، سلام‌وطندارنینگ بیرینچی تماسی‌گه جواب قیتریش اوچون وقت‌گه نیازی بولگنی‌نی بیلدیردی؛ لیکن کیینگی تماس‌لرگه جواب قیترمه‌دی.
عین‌حالده، عبدالستار حسینی بو ادعالرنی رد قیلیب ایتیشیچه، نظام‌ده بولگن زمانلرده یخشی شکلده فعالیت قیلیب و کته قاچاقچی‌لرنی قولگه آلگن. جناب حسینی‌نینگ ایتیشیچه، نیمروز ولایتی‌نینگ سابق حاکمی سرور ثبات آت‌لی بیر کیشی مملکت سابق جمهور رییسی حامد کرزی‌نینگ حکومتی‌ده بولگن نفوذی و سابق مدافعه وزیر همکارلیگی بیلن بو دوسیه‌نی توزه‌تگن.
بیراق سرور ثبات، سابق حکومت‌ده نیمروز حاکمی و ملی خوفسیزلیک کینگشی‌ده ایشلاوچی صفتیده فعالیت قیلگن. اونینگ ایتیشیچه، ساخته دوسیه توزه‌تیش بیر کیشی توانی‌دن یوقاری دیر.
جناب ثبات‌نینگ ایتیشیچه، عبدالستار حسینی بیلن هیچ‌قنده‌ی خصومتی یوق و اونگه قرشی دوسیه توزه‌تیش اوچون حرکت قیلمه‌گن. اونینگ ایتیشیچه: « بو موضوع‌دن فراه اهالیسی‌نی خبری بار، ننگ جنابلری حیات‌ده دیر و مین نیمه اوچون دوسیه توزه‌ته‌یین؟ ننگ جنابلری حاکم ایدی و فراه ولایتی‌نینگ آدرسیدن رسمی مکتوب محلی ارگانلر اداره‌سی، ملی خوفسیزلیک عمومی ریاستی گه کیلگن و حتا ملی خوفسیزلیک کینگشی‌ده هم موجود بولیشی ممکن.»
دیمک، عبدالستار حسینی‌نینگ دوسیه‌سی امنیتی، عدلی و قضایی اداره‌لر آره‌سیده قولمه قول بولیب و تیکشیریلمه‌گن مینگلرچه دوسیه‌دن نمونه دیر.
