بوندن آلدین مخدرماده‌گه چلینگن عبدالرحیم رجایی، بیرییل بوله‌دی چکیشنی قویبارگن و «ساغلیک امید کوپریگی» عنوانیده مخدرماده‌گه چلینگنلرنی مداوا قیلیش اوچون مرکز ایجاد قیلگن. اونینگ ایتیشیچه، مداوا بولیشی‌دن سونگ باشقه‌لرنی هم قوتقریش اوچون حرکت قیلگن.
بوگون (چهارشنبه) عبدالرحیم رجایی بیزگه توهین قیلمنگ یاردم قیلینگ» دییه، مخدر ماده‌نی ترک قیلگنیدن سونگ، چلینگنلرنی قوتریش مقصدیده حرکت قیلگن. او حاضرگه قدر ۱۱ کیشی‌نی مخدرماده‌دن علاقه‌لرینی مصلحت بیلن اوزاق قیلگن.
شونینگدیک او مخدرماده‌گه چلینگنلرنی توهین قیلمه سینلر، بل اولرگه یاردم بیرسینلر.
ساغلیق امید کوپریگی‌نینگ حقوقی مصلحتچی‌سی عطاالرحمان حامدنینگ ایتیشیچه، یشاوچیلر مخدرماده‌گه بیریلگنلرنی بیر مجرم ایمس بلکه کسل عنوانیده کوریشلری کیره‌ک.
اونینگ ایتیشیچه، اوشبو موسسه‌دن مقصد حکومت و یشاوچیلر توجه‌سینی معتادلرگه قره‌تیش بولگن.
جناب حامدنینگ کوپه‌یتیریشیچه، شوحاضر ۲۱ کیشی معتادنی مداوالش مرکزی کابلده فعالیت قیله‌دی، اما فقط پل سوخته و سرای شمالیده‌گی معتادلر یره‌لریگه مرحم قویش و اولرگه مصلحت بیریش ایشلری بیلن مصروف‌لر.
فرید فریدی هم ۱۰ ییلدن بیری مخدر ماده‌دن استفاده قیلرکن. او شو سونگی کونلرده «ساغلیق امید کوپریگی» یاردمچی موسسه‌سی یاردمیده مخدرماده‌نی ترک قیلگن ایتیشیچه، حکومت‌دن کوره اوشبو موسسه ملازملری یخشی راق.
اونگه کوره، حکومت معتادلر بیلن یخشی برخورد قیلمه‌یدی و اولرنی کلتکلیدی.
«ساغلیق امید کوپریگی» موسسه‌سی نینگ رسمیلری‌نینگ کوپه‌یتیریشیچه، حکومت مخدر ماده‌گه چلینگنلرنی مداوا قیلیشگه کوره‌ش سین و شونینگدیک ییللیک اوتگه اوره‌دیگن مخدر ماده‌لرنی دارو توزه‌تیب معتادلرگه بیرسینلر.
