.jpg)
کابل‌ده یومف سوئیس بیلیم مسؤوللری‌نینگ ایتیشیچه، عالی اوقوو وزیرلیگی اولرنینگ برابریده «غرضلی و عقده‌یی» شکلده حرکت قیله‌دی.
اولرگه کوره، یومف سوئیس بیلیم یورتی فعالیت جوازینی قویاش 1392- ییل‌ده مذکور وزیرلیک‌دن آلگن، بیراق ایکی ییل آلدین عالی اوقوو وزیرلیگی‌نینگ اعلان قیلیشیچه، کابل‌ده اوشبو بیلیم یورت‌نینگ فعالیتی ناقانونی دیر. عین حالده، باش محکمه‌نینگ تیکشیروولری بو بیلیم یورت‌نینگ فعالیتی قانونی‌لیگی‌نی کورسته‌دی.
افغانستانده یومف سوئیس بیلیم یورتی مسؤولی نیک مل‌نینگ ایتیشیچه، کابل‌ده اوشبو بیلیم یورت‌نینگ فعالیتی قانونی بولگنی اثبات‌لنگنیدن سونگ، باش محکمه تامانیدن قضیه توخته‌تیلیشی توغریسیده فرمان صادر ایتیلدی، بیراق قطار کیشی‌لر دسیسه گه قول اورگن‌لر.
.jpg)
جناب نیک مل نینگ کوپه‌یتیریشیچه، اولرنینگ دوسیه‌لری باش محکمه گه مراجعت قیلگن، لیکن عالی اوقوو وزیرلیگی بونگه قره‌مه‌ی دوسیه گه دخالت قیلیب و بو بیلیم یورت قانون گه قرشی حرکت قیله‌دی دییدی.
یومف سوئیس بیلیم یورتی مسؤوللری‌نینگ ادعالری توغریسیده عالی اوقوو وزیرلیگی مسؤوللری‌نینگ فکرلرینی آلیش‌گه مؤفق بولمه‌دیک.
کابل‌ده یومف سوئیس بیلیم یورتی مسؤوللری، دولت‌دن اولرنینگ قضیه‌لریگه عالی اوقوو وزیرلیگی و باشقه اداره‌لر اوچون اره‌لشیش گه رخصت بیرمه‌سینی سوره‌یدی و بو قضیه حل ایتیلیشی اوچون، کابل و سوئیس‌ده عالی اوقوو وزیرلیگی‌نینگ مسؤوللری و یومف بیلیم یورتی‌نینگ هیأتی حضوریده ییغین یولگه قوییلیشی لازم.
