« ییگیرمه کیشی بیزنینگ تورر بنامیزگه هجوم قیلیشدی، ایشکنی آچ دییه دیره‌زه‌نی اوره باشله‌دی. ایشکنی آچمه‌دیک. ایشیک‌نی آچیب ایچکری کیریب، قولیم‌نی باغلب آلیب کیتدی»
بو نجیبه نینگ حکایه‌لری. نجیبه 18 یاش‌ده. او، جوزجان ولایتی قوش تپه ولسوالیگی نینگ یشاووچی‌سی. نجیبه نینگ آته سی قورال‌لی طالبلر تامانی‌دن ایشگه آلینگن. او، قشلاقلیک، عیاله‌سی‌نینگ خرجتینی تاًمین‌لش و طالبلرنی ظلمی‌دن قوتیلیش اوچون پولیس بولیش‌گه قرار آله‌دی.
او، حاضر پولیس کوچلری صفی‌ده خذمت قیله‌دی. نجیبه انه شو یول بیلن روغار تیبره ته‌دی.
اونینگ ایتیشیچه، پولیس صفی‌گه کیرگن‌دن بیری، طالبلر اویی‌گه هجوم قیلبب، اونی اوزلری بیلن آلیب کیتگن. نجیبه طالبلر تامانی‌دن آلتی کون آزادلیک‌دن محروم ایتیله‌دی. طالبلر تامانی‌دن کلتک‌لنگن نجیبه نهایت‌ده قیشلاق یاش اولوغلری واسطه‌چی‌لیگی بیلن طالبلر قولی‌دن آزاد قیلینه‌دی. نجیبه بو بیلن بیرگه طالبلر تهدیدن قوتیله‌دی.
55 یاشلی نورالحی نجیبه نینگ آته‌سی، طالبلرنی یلغانی‌گه ایشانیب بو گروه گه قوشیلگن لیگی‌نی ایته‌دی. طالبلر اویم‌گه کیله باشله‌دی دیدی نورالحی، انه شو مساله سبب مجبوریت یوزه‌سی‌دن اویدن قاچیب اولرنی صفی‌گه قوشیلدیم.
نورالحی بوندن آلدینلری دعاخوان‌لیک بیلن شغللنگن، انه شو یول بیلن عایله‌سی نینگ روزغارینی تیبره‌تگنی ایتیله‌دی.
شونینگ دیک نجیبه‌گه کوره، مین طالبلر ایسته‌گی گه تسلیمی بولمه‌دیم، اما، طالبلر اعضالریدن بیر سینگلیسی‌نی اوز نکاحی‌گه آله‌دی. طالبلر قولی‌دن آزاد بولگن نجیبه خانه‌دانی اعضالری بیلن قیشلاق‌نی ترک قیلیب، شبرغان شهری‌گه کیله‌دی. او، شهرگه کیلیش بیلن اوز فعالیتی‌نی عیال پولیس‌لر صفی‌ده دوام ایتیره‌دی.
پولیس نینگ صفی‌ده خذمت قیلگن خانیم نجیبه اوچ آیدن سونگ، آته‌سینی هم دولت‌گه قوشیلیش‌گه ترغیب قیله‌دی.
9 فرزندی بولگن نورالحی نینگ ایتیشیچه، اوچ آی طالب‌لرگه خذمت قیلگن، اوشبو مدت‌دن کیین قیزی نجیبه نینگ کومکی و ضمانتی بیلن طالبلر صفی‌دن قاچیب دولت‌گه قوشیله‌دی.
نورالحی نینگ سوزلری‌گه قره گنده، اوچ آی ایچی‌ده فرزندلریدن اوزاق‌ده بولگن‌لیگی جوده آغیر کیچگن. تورموش اورتاغی و ییتی فرزندی قیشلاق‌نی ترک قیلیب، شبرغان شهری‌گه کیلیش‌گه مجبور بوله‌دی.
بو قیزنینگ آته‌سی‌گه کوره، طالبلرنینگ نیتی اولدیریش ظلم و وحشت‌دن بولک نرسه ایمس. طالبلر فقط کوپریکلر و مکتب‌لرنی اوتگه یاندیره‌دی و تینچ اهالی‌نی اولدیره‌دی – یو خلاص.
نورالحی‌گه کوره، قیزی پولیس صفی‌گه قوشیلگن‌لیک خرسند.
جوزجان ولایتی نینگ ایریم یشاووچیلری نجیبه نینگ بو ایشی نی آلقیش له‌گنلر.
جوزجان ولایتی مدنی جماعه چیلیک اداره‌سی نینگ بیر اعضاسی احمد فواد قادری نینگ ایتیشیچه، بو خانیم‌نی قدرلش کیره‌ک. افغانستان‌لیک هر بیر یاش، زور، ظلم و ستم‌گه باش ایگمس‌لیگی لازم.
شونینگ دیک جوزجان امنیه قوماندان‌لیگی نینگ یوقاری مرتبه‌لی ملازملری نجیبه نینگ ملی پولیس صفی‌گه قوشیلگن لیگی‌دن خرسندلیک بیلدیرگنلر.
یقینده جوزجان ولایتی‌ده خانیم پولیس‌لر کینگشی تاسیس ایتیلگن، بو کینگش امنیت و برقرارلیک تامینله‌نیش‌ده ییریک تاثیری بارلیگی ایتیله‌دی.
نجیبه نینگ ایتیشیچه: « طالبلر ایسته‌گی نی رد قیلدیم، هر دایم طالبلر بویروغی‌گه باش ایگمه گنمن، نهایت‌ده بو ییرگه ییتیدیم، آتم بیزلرنی جوده یامان احوال‌گه قویدی، لیکن چیده‌دیک، دایم اوزیم‌گه طالب‌لردن اطاعت قیلگن‌دن کوره اولگنیم یخشی دیگنمن»
