بغلان محلی یوقاری مرتبه‌لی رسمیلری، دهنه غوری تومنی‌ده قوراللی طالب‌لرنینگ ایکّی قوماندانی اورتهسیده یوزبیرگن اوروش‌ده ایکّی تاماندن 13 هلاک بولگن. توقنشوو اوشبو گروه اورته‌سیده‌گی زکات و عشر اوستی‌دن چیققن. ایتیلیشیچه، 10 نفر یره‌لنگن.
بغلان ولایتی دهنه غوری تومنی‌نینگ پولیس قوماندانی محمدقل مبارز، طالب‌لرنینگ ملامجید و ملا اخترگل ناملی قوماندانلری اورتهسیده چهارشنبه کون یوز بیرگن اوروش‌نی تصدیقله‌گن. آتیشمه، بکلاب و سیبک تومنی‌نینگ قیشلاغیده روی بیرگن.
دهنه غوری تومنی‌نینگ بیر قطار یشاوچی‌لری حکومت جنگری طالبلر اورتهسیده یوزبیرگن اوروش‌دن فایده‌له‌نیب طالب‌لرگه آغیر ضربه بیریش‌لرینی سوره‌گن.
طالبلر اورتهسیده عشر و زکات اورتهسیده بو بیرینچی مرته یوز بیرگن آتیشمه ایمس. تومن امنیه قوماندانی بوندن آلدین هم طالبلر گروهی اورتهسیده اوروش یوز بیرگن لیگینی تصدیق له‌گن.
