سلام وطندارنی قولگه کیریتکن معلوماتی اساسیده، جنگری طالب‌لر لوگر ولایتیده گروهی شکلده هجوم اویوشتیریب، مذکور ولایت‌نی باسیب آلیش‌گه قصد قیلگنلر.
اوز نامی فاش ایتیلیشی نی ایستمه‌گن ایشانچلی بیر منبع‌نی سلام وطندارگه ایتیشیچه، طالب‌لر مذکور ولایت ارزه تومنی‌نی باسیب آلیش مقصدی بیلن ایریم برنامه‌لرنی قولگه آلگن‌لر.
مذکور منبع گه کوره، انه شو مناسبت بیلن اوتکزیلگن اولتیریشده قتنشگن طالب لرنینگ بیرقطار قومندانلری ازره تومنی‌نی باسیب آلیش اوچون بحث اوتکزگنلر.
منبع، بو اولتیریشده ازره تومنی‌ده طالبلرنینگ ولسوالی مفتی عبدالوکیل، ازره تومنی گه تیگیشلی تنگ قیشلاغی یشاوچیسی و طالب‌لر زمانیده مذکور تومن ولسوالی مولوی صدراعظم، دوبندی قیشلاغی نینگ یشاوچیسی و خوشی تومنی اوچون تعین ایتیلگن طالب ولسوالی، تنگ قیشلاغی نینگ یشاوچیسی و ننگرهار – ارزه قتناو یولی مسؤلی قاری داوود، حاضرگی کونلرده ازرده تومنی‌ده طالبلرنینگ نام لنگن ولسوالی مولوی عبدالرحمن و لوگر ولایتیده طالبلرنینگ تانیقلی قوماندانلریدن بیری اباسین، ارزه تومنی اوستیگه اویوشتیریله دیگن هجوم ریجه‌سینی توزه گن لیکلرینی فاش قیلگن.
قول کیریتیلگن گزارشلرگه کوره، بو عملیات‌ده داعش گروهی هم طالب‌لر بیلن همکارلیک قیلیشی ممکن.
