فراه ولایتی‌نینگ محلی بلند مرتبه‌لی رسمی‌لری، قوراللی طالبلر مذکور قاضی‌نی جمعه‌دن شنبه‌گه اوترکیچه‌سی تون‌نینگ یریمیده ولایت‌نینگ خاک‌سفید تومنی‌ده صحرایی محکمه‌ده دارگه تارتگن.
شمس‌الرحمان ناملی دارگه تارتیلگن قاضی فراه استناف محکمه‌سی‌نینگ ایشلاوچی‌سی بولگن.
فراه ولایت والیسی‌نینگ سوزلاووچی‌سی محمدناصر مهری‌نینگ سلام‌وطندارگه ایتیشیچه، قاضی شمس‌الرحمن بوندن ایکّی کون آلدین هرات – فراه عمومی ترانسپورت یولی‌ده جنگری طالبلر تامانیدن اوغیرلنگن.
جناب مهری، مذکور قاضی‌نینگ جسدی بوگون فراه ولایتی ساغلیقنی سقلش اداره‌سی‌گه آلیب کیلینگن دیگن. ایتیلیشیچه، پولیس بو توغریده تیرگاو باشله‌گن.
اوتگن 24 ساعت ایچیده طالبلر تامانیدن صادر ایتیلگن بو اوچینچی صحرایی محکمه بولگن لیگی ایتیله‌دی.
شونینگ‌دیک اوتگن کون هم قوراللی طالبلر فراه ولایتی سابق ملی خوف‌سیزلیک اداره‌سی‌نینگ خادمی بیلن بیر تینچ اهالی‌نی اوغیرلب اولدیرگن‌دن سونگ، جسدلرینی ولایت‌نینگ خاک‌سفید تومنی‌ده دارگه تارتگن ایدی.
