ساغلیکنی سقلش وزیرلیگی باش اطراف ساغلیکنی سقلش باشقرمه مسؤولی محمد علی اکبرینینگ سلاموطندارگه ایتیشیچه، آتاتُرک کسلخانهسینینگ سووی ایکی مرته سیناودن اوتکزیلگنیدن کیین، افلاسلیک و ایچیم سیزلیگی معلوم بولگن.
جناب اکبرینینگ ایتیشچه، کمیده اوچ آی آلدین، آتاتُرک کسلخانهسینینگ سووی تیکشیروودن اوتکزیلگنیدن کیین، بیر رسمی مکتوب بیلن مذکور کسلخانهنینگ رسمیلرینی خبر بیرگن، بیراق اولر، حاضرگچه افلاس سوودن ایش آلیشگه دوام بیرهدی.
اکبریگه کوره، آتاتُرک کسلخانهسیده ایکی قَیناق موجود، اولردن بیری تِنیق قَیناق بولگن، بیراق بو قَیناق بوتون کسلخانه اوچون ییترلی ایمس دیر.
جناب اکبرینینگ کوپهیتیریشیچه، آتاتُرک کسلخانهسینینگ سوویگه معیاردن آرتیق کلوراید و نایترید موجود.
نورمال کلوراید 250 پی پی ام و نایترید 11 پی پی ام بولهدی، بیراق آتاتُرک کسلخانهسینینگ سوویگه 276 پی پی ام کلوراید و 32 پی پی ام دن آرتیق نایترید موجود.
باش اطراف ساغلیکنی سقلش باشقرمه مسؤولینینگ ایتیشیچه، اوشبو سوودن تِنیق شکلده فایدهلنیش اوچون، فلتر اسکونهسی کیرهک، بیراق آتاتُرک کسلخانهسینینگ رسمیلری، بوتوغریده هیچ بیر ایش قیلمهگن.
عین حالده، آتاتُرک کسلخانهسی باشلیغی دوکتور سیدحسین کاملنینگ سلاموطندارگه ایتیشیچه، اولر اوزلری کسلخانه سوولری تیکشیریلیشینی سورهگن و سووی افلاسلیگی معلوم بولگنیدن کیین، اوندن فایدهلنمهیدی.
یورولوژی متخصصی داکتر راشد رامزنینگ سلاموطندارگه ایتیشیچه، کلوراید و نایتریدگه باتگن سوولر ایریم کسللیکلرگه سبب بولهدی. اونینگ ایتیشیچه، نایترید عادی حالتدن تشقری بولگن صورتده، سرطان کسللیگیگه سبب بولیشی ممکن.
میلادی 2013- ییلده افغانستان رقملر ادارهسی تامانیدن عملگه آشیریلگن تیکشیروو اساسیده، اوشبو مملکت خلقیدن 45 فایزی تِنیق ایچیم سووگه قول تاپهآلمهگنی معلوم بولگن؛ اوشبو رقم کابلده 50 فایز دییلگن.
