سلام‌وطندارگه صحبت بیرگن غزنی حاکمی سوزلاوچیسی محمدعارف نوری‌نینگ ایتیشیچه، اوتگن کیچه قورالی طالبلر جاغوری تومنیده‌گی خوفسیزلیک کوچلرنینگ نیچه پوسته‌سی اوستیگه هجوم قیلگن و مذکور گروه‌لر آره‌سیده یوزبیرگن آتیشمه‌ده 3 عسکر هلاک و باشقه 5 عسکر یره‌لنگن.
او، تینچ‌اهالی تلفاتی توغریسیده خبرسیزلیگی‌نی بیلدیریب ایتیشیچه، یاردمچی کوچلر محل‌ده باریشی بیلن طالبان آرقه‌گه چیکیلگن.
بیراق غزنی ولایتی کینگش باشلیغی لطیفه اکبری مرکزی دولت‌نینگ توجه‌سیزلیگی‌دن تنقید قیلیب ایتیشیچه، اوروش یکونلنمه‌گن و شونینگدیک دوام تارتماقده دیر و هیچ‌قندی کوچلر محل‌ده بارمه‌گن.
خانم اکبری مذکور تومنده انسانی بیر فاجعه یوزبیریشی‌دن آگاه‌لنتریب ایتیشیچه، طالبان اهالی‌نینگ اویی نی سپر توزتگن و یاردمچی کوچلر جاغوری‌ده یتیب بارمه‌گن صورتده، مذکور تومن‌نینگ سقوط قیلیشی ممکن.
شونینگدیک بوگون «چهارشنبه» غزنی اهالیسی‌نینگ نماینده‌لر کینگشی و ولایتی کینگشی‌ده‌گی نماینده‌لری، حکومت اجراییه باشلیغی داکتر عبدالله و مملکت‌نینگ ملی خوفسیزلیک باشلیغی معصوم استانکزی بیلن صحبت اوتکزیب و طالبان‌نینگ هجوم‌لری توغریسیده خواطرلری نی اورته‌گن قویگن.
