قندوز ولایتینینگ امام صاحب تومنی یشاوچیلریدن بیرقطارینینگ ایتیشیچه، تاجیکستان چیگرهسی یقینیدهگی مذکور تومن اورمانلری ایچکی و تشقی عصیانچیلر تامانیدن بمامبه ایشلب چیقاریش همده یاشلرنی خودکش هجوم عملگه آشیریش اوچون تربیهلش مرکزیگه ایلنگن.
اوشبو یشاوچیلرگه کوره، حربی کوچلر تامانیدن آغیر قوراللر آتیلیشی و اوروش شدتلنگنی باعث، امام صاحب اورمانینینگ اطرافیدهگی عایلهلریدن ایکّی مینگی اوز یشش اوی جایلرینی ترک قیلیشگه مجبور بولگنلر.
عین حالده، قندوز ولایتیده حربی کوچلر قوماندانی جنرال محیالدین غوری، امام صاحب اورمانلری عصیانچیلر مرکزیگه ایلنیشینی تَن آلگن. بیراق ایتیشیچه، طالبلرنینگ اوشبو مرکزلری تیزلیکده نابود ایتیلهدی.
باشقه تاماندن، امام صاحب ولسوالی امامالدین قریشینینگ ایتیشیچه، عصیانچیلر اوشبو تومننی کمیده 40 فایز توپراغینی نظارتیگه آلگن، تازهلش عملیات یولگه قوییلمهگن صورتده، عصیانچیلر تامانیدن دولت برابریده قیینچیلیک یرهتیلیشی ممکن.
قندوز ولایتی سقوط ایتگن چاغیده، طالبلر قیسقه مدت امام صاحب تومنینی نظارتگه آلگن ایدی. امام صاحب اورمانلری اطرافیده و قندوز ولایتی ایریم قسمتلریده قوراللی عصیانچیلر موجود. قندوز ولایتینینگ محلی رسمیلری، قیش فصلینی عصیانچیلرنینگ نابود ایتیش اوچون یخشی فرصت دیب بیلهدی.
