.jpg)
بغلان ولایتی‌نینگ محلی مسوول‌لری، قورال‌لی طالب‌لر اوتگن کون افغان ملی کوچلری پوسته‌سی‌گه قرشی هجوم قیلگن‌لیکلرینی ایتگن‌لر.
جنگری‌لر دندشهاب‌الدین منطقه‌سیده ملی کوچلر قرارگاه‌لرینی گروهی شکل‌ده هجوم آستی‌گه آلگن.
ایتیلیشیچه، منطقه‌ده جنگری‌لر ایلگری کیلماقده. اما، بغلان امنیه قوماندانی مل پاسوال محمد‌عوض نذیری، افغان ملی کوچلری مذکور منطقه‌ده تاکتیکی روش‌ده آرتگه چیکینگن‌لیک لرینی تیل‌گه آلگن.
.jpg)
شونینگ‌دیک منطقه ده ینه ییریک حربی تازه‌لش عملیات اوتکزیلیشی ریجه لنتیریلگن. باشقه تاماندن بغلان ولایتی‌نینگ بیرقنچه یشاووچی‌لری ولایت بویلب نابرقرارلیک آشیشی و دندشهاب‌الدین منطقه‌سی قیته‌دن قورال‌لی طالب‌لر قولی‌گه اوتیشی باره‌سیده خواطر بیلدیریب، مساله اوچون حکومت‌نی اساسی برنامه‌سی یوقلیک‌که عیبدار بیلگن‌لر.
دند شهاب‌الدین منطقه‌سی بوندن ایکّی آی آلدین افغان ملی کوچلری آرقه‌لی اوتکزیلگن خورشید 20 ناملی حربی عملیات نتیجه‌سیده جنگری‌لر اشغالی‌دن چیقاریلگن ایدی. اوشبو ییریک عملیات عاقبتی‌ده قورال‌لی طالبلرنینگ کمی‌ده 300 کیشی‌سی نابود ایتیلگن ایدی.
لیکن، سونگی کونلرده بو منطقه‌ده ینه جنگری‌لر جانلنگن‌لیگی باره‌سیده اخبارات واسطه‌لریده گزارش‌لر ترقه‌تیلماقده.
