بغلان ولایتیده طالبلر تسلتیگه بولگن محلهلرده امنیتی کوچلر جنازهسینی اوقیش حرام دیگن و اردو کوچلری جنازهسینی اوقیگن کیشیلر اولدیریلهدی دیب آگاهلنتیرگنلر.
بغلان ندغوری یشاوچیلریدن عبدالحفیظنینگ سلاموطندارگه ایتیشیچه، طالبلر ایناغهسی جنازهسینی توپراققه تاپشیریش پیتیده ییتیب کیلیب، اونینگ جنازهسینی کیشیگه اوقیش اجازهسینی بیرمهگنلرو اولرنینگ بویروغیگه عمل قیلمهگنلر اولدیریلهدی دیب آگاهلنتیرگن.
عبدالحفیظ ایناغهسی ملی اردو عسکرلریدن، اوروش میدانیده هلاک بولگن ایدی. ایناغهسیگه جنازه اوقیمسدن کومگن ییگیتنینگ ایتیشیچه، طالبلر امنیتی کوچلر جنازهسی اوقیلیشینی حرام دیگن و بو عملنی تکفیر قیلگنلر و محل دین عالملری هم جانلریدن قورقیب ملی اردو کوچلری جنازهسی نینگ اوقیشگه قتنشمهگنلر.
بغلان ولایت سوزلاوچیسی محمود حقمل هم بو مطلبنی تایید قیلیب طالبلر دین ارزشلریگه دقت قیلمهیدیلر و تسلتلریگه بولگن منطقهلرده اهالی اوستیگه رحم سیزلیک بیلن کیلیشهدیلر دیگن.
جناب حقملگه کوره، بوگروه شوییل آقیمیده ۱۲ مسجدنی اوتگه یاندیرگن و بو اوزی اولرنی اسلامگه حرمت قویمه گنلیکلرینی کورستهدی.
بغلان عالملرکینگشی هم طالبلرنینگ بو عملینی قارهلیدیلرو اسلام دینیگه قرشی دیب بیلهدیلر.
ولایت دین عالملرکینگشی باشلیغی عبدالهادی نادمنینگ ایتیشیچه، افغانستان دولتی مشروع بولیب اونده اسلام دینی بویروغی اساسیده ایجاد ایتیلگن. اونینگ کوپهیتیریشیچه، امنیتی کوچلر اولکه یشاوچیلریدن دفاع قیلیش اوچون جان بیرهدیلر «شهید» دیرلر و جنازهلری اسلامگه قرهگنده باید اوقیلسین.
جناب نادم امنیتی کوچلر جنازهسینی اوقیشگه اجازه بیرمهگنلر، تشقی اولکهلر نمایندهسی دیب بیلهدی و بو گروهلر اسلام دینیگه قرشی عمل قیلهدیلر دیدی.
حاضرگه قدر بو بارهده طالبلر بیرنرسه دیمهگن. شوحاضر بو گروه بغلان ولایتینینگ دهنهغوری، دوشی، تالهوبرفک، برکه و مرکزی بغلان تومنلریده فعالیت قیلیب کیلماقده.
