فاریاب امنیتی مسؤوللرینینگ بیلدیریشیچه، اوتگن پنجشنبه کونی خلق آرهسیدن تورگنلردن 25 ته سی ولایت شیرین تگاب تومنینینگ آستانه بابا قیشلاقیده طالبلر قمراویگه آلینیب، اوقگه تارتگنلر.
فاریاب امنیت آمری بریالی بشریار پروانینینگ سلاموطندارگه ایتیشیچه، اوتگن کون خواجه سبزپوش اهالیسیدن 25 کیشی طالبلر قولیده توشگن ایکنلر، اوشبو گروه آرقهلی برچهسی نابود ایتیلگن.
پروانیگه کوره، حاضرگه قدر قالگنلریدن معلومات قولده یوق.
امنیتی کوچلر اهالی یاردمی بیلن و جنرال دوستم قومندانلریدن رحمتالله تورکستانی رهبرلیگیده آستانه بابا تصرف بولگن اید، بیراق ایچکی قرمه قرشیلیکلر بارلیگی باعث ایکی کون آلدین منطقه تیزلیکده طالبلر قولیگه سقوط قیلدی و کوپلب حربکیلردن طالبلر قمراویگه قالدی.
امنیتی رسمیلرنینگ بیلدیرشیچه، حربکیلردن 26 کیشی طالبلر قمراویگه قالگن ایدی باشقه اورتاقلری بیلن طالبلر آلدیدن اوزلرینی قوتقزیب دولتگه قوشیلگن.
عین حالده آتی توتیلیشینی ایستمهگن بیر امنیتی منبع، 80 کیشی حربکیلر باشلیغی فیاض قومندان امنیتی کوچلر حمایتی بیلن آستانه بابا منطقهسینی قیته آلیش اوچون محلده بارگن حالده طالبلر تامانیدن قمراوگه آلینگن ایدی. فیاض قومندان 12 کیشی عسکرلری بیلن محلدن قاچیشگه موفق بولگن و قالگنی قمراوگه آلینگن دیگن.
فاریاب ولایتی نیچه هفتهدن بویان حکومت و طالبلر ارا آغیر اوروشلر اوتکزیلهدیگن محلهلردن بولیب قالدی و اوشبو مدتده کوپلب تینچ اهالی اولیشیگه سبب بولدی.
