پکتیکا محلی مسؤول‌لری‌نینگ ایتیشیچه، طالب‌لردن ینگی اجره‌لگن گروه‌نینگ ادعا قیلیشیچه، ملااختر محمد منصور، پاکستان تامانیدن تنلنگن. گزارش‌لر اساسیده، ینگی اجره‌لگن گروه‌نینگ کمیده بیرمینگ اعضاسی بار.
مذکور ولایت مدنی فعال‌لریدن بیری محمدالله همتیارنینگ سلام‌وطندارگه ایتیشیچه، طالب‌لرنینگ قومندانلریدن بیری عبیدالله هنر، طالب‌لرنینگ رهبری پاکستان‌نی نفری دیب ایتیشیچه، ملااختر محمد منصور ریاستی‌ده بولگن قورال‌لی طالب‌لر، پاکستان‌نینگ بویروغی اساسیده فعالیت قیله‌دی.
طالب‌لرنینگ ینگی گروهی، ملامنصور دادالله‌نینگ انتقامی‌نی آلیش‌گه تأکیدله‌یدی. ملامنصور دادالله نیچه آی آلدین، زابل ولایتی‌ده ملااختر محمد منصورنینگ جنگری‌لری تامانیدن اولدیریلگن ایدی.
اوشبو گروه‌نینگ کوپینچه اعضالری، پکتیکا، زابل، قندهار و غزنی ولایت‌لریدن تشکیل ایتیلگن.
عین حالده، پکتیکا ولایت کینگشی‌نینگ اورین باسری نعمت‌الله بابری، ایکی گروه اورته‌سیده توقنه‌شوو شدت‌لنگنی‌دن خبر بیریب ایتیشیچه، طالب‌لرنینگ قره‌مه قرشی‌لیگی یوزمه یوز اوروش باسقیچی‌گه ییتیشگن. نیچه مرته گومل و ورمه‌می تومن‌لری اورته‌سیده ملامنصور گروهی بیلن ملارسول گروهی‌نینگ اورته‌سیده توقنه‌شوو یوزبیرگن.
جناب بابری‌گه کوره، اوشبو توقنه‌شوو کمیده تورت کون دوام ایتگن.
شونینگ‌دیک، پکتیکا والیسی‌نینگ سوزلاوچیسی نبی‌الله پیرخیل، سونگی کونلرده طالب‌لرنینگ ایکی تانیقلی گروهی اورته‌سیده یوزبیرگن توقنه‌شوونی تأییدقیلیب ایتیشیچه، ایکی گروه‌دن چمه‌سی 45 کیشی هلاک بولگن و هلاک بولگن‌لر ایچیده طالب‌لرنینگ قطار قومندانلری‌هم موجود.
طالب‌لر حاضرگه‌قدر بو توغریده هیچ نرسه دیمه‌گن.
قورال‌لی طالب‌لرنینگ سابق رهبری ملا عمرنینگ اولیمی فاش ایتیلگنی‌دن کیین، اوشبو گروه‌نینگ قطار اعضالری، بیر ییغین ارا ملا اختر محمد منصورنینگ، اونی اورنی‌گه تعیین قیلگن ایدیلر؛ بیراق مذکور گروه اعضالریدن باشقه بیرقطاری، ملا اختر محمد منصورنینگ «امیر» صفتیده تعیین ایتیلیشی‌گه قرشی‌لیک کورستگن.
اوشبو گروه‌نینگ ییریک اعضالری اورته‌سیده قره‌مه قرشی‌لیک‌لر اوج آلگنی باعث، ملا رسول رهبرلیگی‌ده ینگی گروه اورته‌گه کیلدی.
