افغانستانده طالبان گروهی 5 ییل حکومت قیلگنیدن سونگ، عیاللر و قیزلر دموکراسی چتری آستیگه نسبی ایرکینلیک و بیرینچی حقوقلری جملهدن تعلیم کوریش، تحصیل و اویدن تشقریگه ایش قیلیشگه قول تاپگن ایدیلر.
حاضرده طالبلرنینگ تینچلیک لایحهسیگه قوشیلیشی توغریسیده بولگن مشمشلر، عیاللرنینگ 5 ییللیک یرهلرینی تازهقیلیب و خواطرلنتیرگن دیر.
بیراق معارف وزیرلیگینینگ سرپرستی میرویس بلخی و طالبان گروهی بیلن مذاکره قیلهدیگن هیات اعضالری سلاموطندارگه ایتیشیچه، ملی بیرلیک حکومتی و طالبان گروهی آرهسیده صورت تاپگن سوزلشوولرده تعلیم کوریش اولویتگه قرار تاپگن. جناب بلخیگه کوره، مذکور سوزلشوولرده قیزلر و عیاللرنینگ تعلیم کوریشدن محروم ایتیلیشی مطرح ایتیلگن صورتده، کیلیشوو صورت تاپمهیدی.
عینحالده، قطار فعال عیاللر، طالبان گروهینینگ قندی شکلده تینچلیک لایحهسیگه اشتراک قیلیشی و عیاللر جایگاهسینینگ نامعلوملیگیدن خواطر بیلدیرگنلر.
افغانستانده عیاللر و بالهلر حقوقلرینی تیکشیروچی نهادنینگ باشلیغی زرقا یفتلینینگ ایتیشیچه، افغانستان عیاللری ایترلیچه رنج کورگن و تینچلیک سوزلشوولرده اولرنینگ جایگاهسینی نامعلوم لیگی بو قشر سرنوشتی بیلن اوینهیش دیر. خانم یفتلی گه کوره، عیاللر 17 ییللیک یوتوقلری و اساسی حقوقلرینینگ قربان ایتیلیشینی ایستمهیدی.
شونینگدیک حکومتی و خصوصی ادارهلرگه ایش قیلهدیگن قطار عیاللرنینگ ایتیشیچه، عیاللر جایگاهسی و قیزلرنینگ قندی شکلده تعلیم کوریشی، جماعه و ایش جایده حضور تاپیش حقینی تینچلیک سوزلشوولرده مطرح ایتیلیشی کیرهک.
شو توغریده…
عیاللر وزیرلیگینینگ اورین باسری نبیله مصلحنینگ ایتیشیچه، گرچند تینچلیک بوتون یشاوچیلرنی ایستهگی دیر، بیراق اوشبو تینچلیک عدالت و برابرلیک اساسیده صورت تاپمهگن حالده، قابل قبول ایمس.
قیز اوقووچیلردن بیرقطارینی طالبلر رژیمینینگ تکرار ایتیلیش احتمالیدن خواطر بیلدیریب ایتیشیچه، قیزلر، طالبلرنی قندی شکلده تینچلیک لایحهسیگه قوشیلیشیدن خواطرگه دیر.
قیز اوقووچیلردن ایکی تهسی فهیمه سلطانی و مقدسه گوهرینینگ ایتیشیچه، تحصیللرینی یکونلنتیریب و عایلهلرینینگ اقتصادی یخشیلنیشی اوچون همکارلیک قیلیشنی ایستهیدیلر، بیراق طالبلر بیلن تینچلیک ایتیلگن صورتده، آرزولریگه قول تاپمهیشدن قورقهدیلر.
گرچند طالبلربیلن مذاکره قیلهدیگن هیات اعضالریدن ایکی تهسی عیاللردن دیر، بیراق طالبلر حاضرگهقدر مذکور عیاللربیلن مذاکره قیلمهگن. انهشو سبب یشاوچیلر اینقسه عیاللر طالبلرنینگ قندی شکلده تینچلیک پروسهسیگه قوشیلیشی توغریسیده خواطر بیلدیرهدیلر.
سونگی تینچلیک سوزلشووده افغانستان حکومتینینگ نمایندهسی یوق ایدی، بیراق طالبلر نمایندهلری عیاللر حقلری توغریسیده صحبت قیلیب و عیاللر حقوقلرینینگ حامیسی بولگنینی ایتکنلر. اوشبو ییغین مسکوده یولگه قوییلیب و ایکی کون دوام تاپگن.
