.jpg)
بلخ ولایتیدن بولگن «مستعار آت» عزیز، قویاش 1396- ییل، کوز موسومیده سوتلی اینهگینی ساتگنیدن سونگ، تورموش قوریش مراسم خرجتینی تأمینلش مقصدی گه ایران تامان یول آلگن.
عزیز مکتب اوقیمهگن و عایلهسینینگ ایش و کوچی ایکینچیلیک و چارواچیلیک بولگن. اونینگ ایران گه قیلگن سفریدن آلدین، سوتلی بیر اینهگی و 400 متر ایکینچیلیک ییری بار ایکن. ایرتهلر سوت و قیماق ساتهدی ایکن و شونینگدیک، کون جریانیده ایکینچیلیک ییری گه حیوانلر اوچون اوت سیپیب کوترهدی ایکن.
عزیز بار نرسهلریدن قانیقیب و تینچ حیات کیچیردی؛ بیراق تورموش قوریش توغریسیده قرار قیلگنیدن سونگ، بیلی نشانلش و شیرینی خورلیک خرجتی آستیده ایگیلیب و چارهسیزلیکدن ایران تامان یول آلگن.
اورتاقلری تامانیدن بیریلگن مصلحت گه کوره، ایران باریب بیر ییل ایشلهگن صورتده، نهفقط تورموش قوریش مراسم خرجتلرینی توللهیدی، بلکیم تیریکچیلیک دوامی اوچون پول هم توپله آلهدی. شوندهی بیر موضوع دن سونگ، عزیز سوتلی اینهگینی 60 افغانی ساتیب و بیر مقدار پول و ییگولیک آذیق-آوقت آنهسی، ایناغهسی و سینگلیلریگه قوییب و اوزی نامعلوم سفرگه یول آلهدی.
عزیز نیمروز شهری گه ییتیشگنیدن سونگ، قاچاقچیلردن بیری بیلن اصفهان شهری گه ییتیشیش اوچون 18 مینگ افغانی اوستیگه کیلیشهدی. عزیزگه کوره، قاچاقچی او و باشقه همراهلرینی ایران چیگرهسیده باشقه بیر قاچاقچی گه تاپشیرهدی و شونینگدیک، او قاچاقچی نیچه ساعتدن سونگ، اوچینچی قاچاقچی گه تاپشیرگن. عزیزنینگ ایتیشیچه، اوچینچی قاچاقچی اوندن یوز مینگ افغانی طلب قیلیب و بو مبلغنی تولله آلمهگن صورتده، او بیلن خشتپیشیرووچی کوره ده ایشلهشی توغریسیده آگاهلنتیرگن.
عزیز 7 آینی قاچاقچینینگ آلدیده اوتکزگن. شونچه مدتده خشتپیشیرووچی داشلرده ایش قیلیش یانیده، قوریلیش بِنالر و خرما باغلریده حقوقسیز و لذتسیز حیات کیچیرگن. اونینگ ایتیشیچه، شونچه مدتده توغری و توزگون نان ییمهگن و افغانستاندن مهاجرت قیلگن کییمی بیلن آیلرنی اوتکزگن.
عزیز 7 آی ایشلهگنیدن سونگ، قتیق مریض بولگن و اوچ هفته ایشدن قول تارتگن. قاچاقچیلر ایسه اوندن بیر ایش توزهلمهسینی بیلگن چاغیده، اونینگ سورگون ایتهدی و عزیز اوزینی پولیس گه تاپشیرهدی. نیمروزدن رد ایتیلگنیدن سونگ، عایلهسیدن پول طلب قیلهدی. بیراق، او بولمهگن مدتده عایلهسی ایکینچیلیک ییرینی ساتیب و اوز خرجتلرینی تأمین قیلگن.
عزیز ایسه حیاتیده بولگن بار و یوقلرینی قولدن بیریب و کوندهلیک چوک که باریب و ایشگه آلووچیلرنی کوتهدی.
.jpg)
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM)، افغانستان دولتینینگ مهاجرلر قاچاقی و انسان قاچاقیگه قرشی کورهش یوکسک کمیسیونی تامانیدن تیارلنیب و تصدیقلنگن. اوشبو میکانیسمدن مقصد انسان قاچاقی و مهاجرلر قاچاقی قربانلریدن حمایت قیلیب و اولرگه یاردم بیریب و شونینگدیک، قاچاقچیلرنی تانیب قضایی ادارهلریگه تانیشتیریب (2017- ییل مصوبهسی) انسان قاچاقی گه قرشی کورهش قانونی اساسیده، دولت و دنیاجماعهچیلیگیگه یولچیلیک قیلیش بولگن.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM) نینگ 8- مادهسی و اوچینچی بندی ده بوندهی دییلگن:
- حج و اوقاف و ارشاد وزیرلیگینینگ مسؤولیتی، انسان قاچاقی و مهاجرلر قاچاقینینگ جنایتلری توغریسیده معلومات بیریلیشی اوچون اماملر و خطیبلر آرقهلی مسجدلر و تکیهخانهلرده دواملی برنامهلر یولگه قوییب و شونینگدیک، زیان کورگنلر اوچون حمایهوی مرکزلر قوریش دیر.
- شونینگدیک، حج و اوقاف و ارشاد وزیرلیگی، دین عالملرینینگ شرعی توشونچهلرینی توزیب و تیارلب و مالی و تخنیکی امکانیتلرنی نظرگه آلیب انسان قاچاقی و مهاجرلر قاچاقی آلدی آلینیشی اوچون سعی و حرکت قیلیشی کیرهک.
بلخ ولایتینینگ رسمیلریدن بیرقطارینی ایشانچی گه کوره، عزیزنینگ اوستیدن کیچگن موضوعلرده انسان قاچاقی و مهاجرلر قاچاقی جنایتی سنلهدی.
بلخ ولایتیده انسان قاچاقی گه قرشی کورهش کمیسیون کاتبی و عدلیه باشلیغی امینالله امین نینگ ایتیشیچه، مملکتدن تشقری یا-ده ایچکریده انساندن بولهدیگن هرقندهی بیگارلیک انسان قاچاقی حسابلنهدی.
شونینگدیک، افغانستان شمالیده انسان حقلری ایرکین کمیسیون باشلیغی سیدمحمد سامع نینگ ایتیشیچه، بوندهی موضوعلر تیرگاوگه آلینیشی کیرهک.
بلخ ولایتینینگ مهاجرلر ریاستی، افغانستاندن ناقانونی شکلده مهاجرت قیلگن یاشلر توغریسیده دقیق رقم بیرمهیدی. مذکور اداره باشلیغی مسعود قادری گه کوره، ایریم پیتلر عایلهلر یاشلرینینگ مهاجرلیگیدن خبرسیز قالهدی و یاشلر ایسه عایلهلریدن خبرسیز اوزلرینی قاچاقچیلرگه تاپشیرهدیلر.
