طالبان گروهی اوتکن کون عصر چاغیده بامیان ولایتی کهمرد تومنینینگ سرگلی قیشلاغی گه کیریب و اویلرنی آختریب 11 کیشی نی گروگه آلگن.
محل یشاوچیلرینینگ ایتیشیچه، طالبلر عیاللرنینگ زیوراتی، ایکی عراده یوک تاشیووچی موتر و 4 موتر سایکلنی اوز لری بیلن آلیب کیتگن.
بامیان پولیس قومندانی حمیدالله خدایینینگ اوشبو واقعهنی تصدیقلب سلاموطندارگه ایتیشیچه، طالبان گروهی اهالینی گروگه آلگن دن سونگ کیچه ساعت اوچ اطرافیده ایکی تاماندن اشپشته منطقهسیده بولگن پولیس پوستهلری اوستیگه هجوم قیلگنلر.
جناب خدای گه کوره، اوشبو آتیشمه 4 ساعت دوام تاپیب و نتیجه ده طالبان گروهی محل دن قاچیب کیتگن.
اونینگ ایتیشیچه، طالبان گروهی گروگه آلگن کیشیلردن بیر ته‌سی نی اولدیرگن و باشقه 10 کیشی اولرنینگ قولیگه دیر.
