بوگون «شنبه» کابل‌ده خبری بیر ییغین یولگه قویگن اسلامی انقلاب حرکت حزبی نینگ رهبری و طالبان گروهی نینگ امر به معروف و نهی از منکر اداره‌سینی سابق مسؤولی مولوی قلم‌الدین، تینچلیک جریانیدن حمایت قیلیب ایتیشیچه، تینچلیک نی جمهورلیک ریاستی نینگ سیلاوی گه نسبتن ترجیح بیره‌دی؛ چونکه افغانستان نینگ بوتون قیین‌چیلیک‌لرینی کلیدی تینچلیک دیر.
مولوی قلم‌الدین‌نی تینچلیک توغریسیده حکومت‌نینگ سونگی بیانات‌لریگه اشاره قیلیب ایتیشیچه، تینچلیک لایحه خصوصیده، حکومت‌نی منفی حرکت‌لردن قول تارتیشی کیره‌ک.
طالبان گروهی‌نی اوشبو سابق اعضاسی نینگ تینچ اهالی تلفاتی‌دن خواطر بیلدیریب ایتیشیچه، حاضرده تینچلیک سوزلشوولرینی دوامی بار و شونینگدیک، بیرچاغده تینچ اهالی زیان کوره‌دیگن عملیات‌لرنینگ توخته‌تیلیشی کیره‌ک.
مولوی قلم‌الدین نینگ کوپه‌یتیریشیچه، افغانستان اهالیسی آتیش‌کیسین ایسته‌یدی و طالبان گروهی‌نی هم بو توغریده بیللی موضع آلیشی ممکن.
شوتوغریده…
دوحه‌ده آمریکا و طالبان گروهی نینگ نماینده‌لری آره‌سیده صورت تاپگن تینچلیک سوزلشوولر خصوصیده مولوی قلم‌الدین‌نی ایتیشیچه، بو ییغینده تروریست‌دن قندی شکلده تعریف قیلیش، آمریکا کوچلری‌نینگ افغانستاندن قندی شکلده چیقیشی و باشقه قطار موردلر توغریسیده صحبت قیلینگن.
بو توغریده جمهورلیک ریاستی فکرینی آلیش اوچون سعی و حرکت قیلدیک؛ بیراق موفق بولمه‌دیک.
