.jpg)
سرپل ولایتیده یوزلب خانه‌دان عایله‌سینی تَرک قیلیش‌گه مجبور ایتیلگن. جوزجان نینگ درزآب تومنیده آوار بولگن مذکور عایله‌لر، طالبلر و داعش اعضالری بو خانه‌دانلرنی دولت‌گه همکارلیک قیلیگنلیک عیبی بیلن سرپل‌دن هیده‌ب چیقارگن دیگنلر.
طالبان ینه داعش جنگریلری مذکور خانه‌دانلرنی دوباره قیشلاققه قیتمسلیک شرطی بیلن آگاهلنتیرگن لیگی جبر دیده‌لر تامانیدن تیلگه آلینگن. شونینگدیک جنگریلر بو خانه‌دانلرنی اولیمگه تهدید قیلگن. مساله اوچون مرکزی حکومت اعتبار قره‌تمه‌گن حالده، انسانی فاجعه یوز بیریشی ممکن.
درزآب تومنی نینگ ولسوالی رحمت‌الله حشر، سرپل ولایتی صیاد تومنی نینگ شاتوت قیشلاغیده جنگری طالبلر 250 عایله‌نی حکومت بیلن همکارلیک‌که عیبلب اوی جایلریدن هیده‌ب چیقارگن لیگینی تیلگه آلگن.
مرکزی حکومت موضوع اوچون بی‌فرق یانده‌شگن حالده، انسانی فاجعه روی بیریشی احتمالدن اوزاق ایمس دیگن جناب حشر.
یشش اویلرینی ترک قیلیب درزآب تومنیگه یوزلنگن خانه‌دانلر مساله‌سینی تصدیق ایتگن سرپل ولایتی والسی نینگ سوزلاووچیسی ذبیح‌الله امانی، صیاد تومنی قوراللی طالبلر اشغالیدن آزاد ایتیلیشی اوچون «23نوید» ناملی حربی تازه‌لش عملیات اوتکزیلیشی‌نی بیلدیرگن.
سرپل افغانستان شمالیده جایلشگن نا برقرار ولایتلردن حسابلنه‌دی. اخیرگی نیچه وقت ایچیده طالبان، جنگری داعش و ملی کوچلر اورته‌سیده توقشنوو یوز بیرگن لیگی بار – بار کوزه تیلگن.
