کنر ولایتی‌نینگ چپه‌دره تومنیده طالبان و داعش گروهلری آره‌سیده یوز بیرگن آتیشمه‌لر نتیجه‌سیده، ایکی مینگ‌دن آرتیق عایله آواره بولگن.
کنر حاکمی‌نی اورین باسری گل‌محمد بیدارنینگ ایتیشیچه، داعش و طالبان گروهلری آره‌سیده یوز بیرگن آتیشمه‌ده چپه‌دره تومنی‌نینگ قطار بولیم‌لریدن 2500 عایله اوشبو تومن‌نینگ تینچ منطقه‌لری و اسدآباد، سرکانی، مانوگی تومن‌لری وشونینگدیک ننگرهار ولایتیده آواره بولگنلر.
عین‌حالده، آواره بولگن عایله‌لردن بیرقطاری نینگ ایتیشیچه، بوتون باریوق‌لرینی تشلب و حاضرده آچیق فضاده حیات کیچیره‌دیلر. اولرنینگ ایتیشیچه، حاضرگه‌قدر اوچ باله جان بیرگن.
گرچند محلی مسووللر آواره‌لرگه یاردم بیریلگنی خصوصیده صحبت قیلگنلر؛ بیراق آواره‌لردن بیرقطارینی ایتیشیچه، حاضرگه‌قدر هیچ‌قندی همکارلیک صورت تاپمه‌گن.
عین‌حالده، حکومتی بیر منبع نینگ کیم‌لیگی سیر قالیش‌نی ایسته‌ب سلام‌وطندارگه ایتیشیچه، داعش گروهی طالبان نظارتی‌گه بولگن منطقه‌لردن بیر بولیمی‌نی تصرف قیلگن و طالبان جنگریلری باشقه بولیم‌لردن چپه دره تومنیده توپلنگن.
اوشبو منبع نینگ کوپه‌یتیریشیچه، طالبان و داعش گروهلری آره‌سیده یوز بیرگن آتیشمه‌ده حاضرگه‌قدر داعش جنگریلریدن 31 ته‌سی و طالبان جنگریلریدن 3 ته‌سی هلاک ایتیلگن و باشقه 21 داعشی یره‌لنگن دیر. منبع کوره، اوروش نتیجه‌سیده بیر باله جان بیریب و قطار تینچ اهالی یره‌لنگن.
طالبان و داعش گروهلری حاضرگه‌قدر بو توغریده میدیالر بیلن صحبت قیلمه‌گن.
شوتوغریده…
- کنرده طالبان و داعش آره‌سیده یوز بیرگن آتیشمه‌ده، 12 جنگری داعش هلاک ایتیلگن
کنرده داعش و طالبان آره‌سیده یوز بیرگن آتیشمه‌ده 50 جنگری هلاک ایتیلگن
عین‌حالده، کنر ولایتی کینگش اعضالری و قوم بویوک‌لریدن بیرقطاری‌نینگ آگاه‌لنتیریشیچه، مرکزی حکومت بو توغریده دقت قیلمه‌گن صورتده، انسانی فاجعه یوز بیریشی ممکن.
بیراق، امنیتی کوچلرنینگ ایتیشیچه، چپه‌دره تومنی طالبان و داعش گروهی‌دن تازه‌لنیشی اوچون تیارگرلیک آلگن‌لر؛ بیراق تینچلی اهالی نینگ جانی سقله‌نیشی و اورمانلر اوت آلمه‌سی اوچون بو ایشنی سُست‌لیک‌که روپه‌ره قیلگن.
کنر ولایتی‌نینگ چپه‌دره تومنی‌نی نیچه بولیمی‌ده اوتگن هفته‌دن بویان طالبان و داعش گروهلری آره‌سیده آتیشمه باشلنگن. کنر حاکمی اورین باسری نینگ ایتیشیچه، مذکور تومنده طالبان و داعش گروهلری آره‌سیده آتیشمه یکونلنگن، بیراق بو گروهلرنینگ آره‌سیده قیته‌دن آتیشمه باشلنیشی ممکن.
