پروان محلی حکومتی نینگ محلی ارگانلر ایرکین ادارهسی نینگ ایش طریقهسی اساسیده، کرونا ویروس گه قرشی کورهش ولایتی کمیته تشکیل ایتیلگنیدن سونگ، بیرینچی خبری ییغینده ایتیشیچه، بو کمیته کرونا ویروس گه قرشی اوچون 9 میلیون افغانینی ساغلیک جهازلری ساتیب آلیش گه صرفلهگن.
اوشبو کمیته گه مسؤول پروان حاکمی اورین باسری شاهولی شاهدنینگ ایتیشیچه، بو کمیته باشقه ایکی مینگ نیازمند عایله گه 8 میلیون افغانی گه ییگولیک ماده ساتیب آلگن.
مرکزی حکومت کرونا ویروس گه قرشی کورهش اوچون پروان ولایتی گه 20 میلیون افغانی اختصاص بیرگن.
پروان حاکمی اورین باسری نینگ ایتیشیچه، ساغلیک جهازلری و ییگولیک ماده حاضرگهقدر ساغلیک ادارهلری و اهالی نینگ اختیاریده قرار بیریلمهگن.
شونینگدیک، پروان ولایتی بوییچه ساغلیقنی سقلش ریاستی ده کرونا ویروس گه قرشی کورهش بولیم مسؤولی محمدضیاء صابری نینگ ایتیشیچه، ساغلیقنی سقلش وزیرلیگی، ساغلیک جهازلری ساتیب آلینیشی اوچون بو اداره نینگ حسابی گه 4 میلیون افغانی انتقال بیرگن و بو مبلغ دن حاضرگهقدر کمیده 2 میلیون افغانی صرفلنگن.
اونگه کوره، بو اداره نینگ حسابی ده قالگن 2 میلیون افغانی هم ینگی ایش گه آلینگن ساغلیک ایشلاوچیلرینی آیلیگی بولهدی.
پروان ولایتیده کرونا ویروس گه قرشی کورهش کمیته فعالیتلرینی نظارت قیلیش کینگشده مدنی ادارهلر و میدیالرنی نمایندهلری نینگ ایتیشلریچه، تدارکات کمیتهسی تامانیدن بولگن فعالیتلرنی تصدیقلمهیدیلر.
پروان ولایتیده کرونا ویروس گه قرشی کورهش کمیته فعالیتلرینی نظارت قیلیش کینگشده میدیالرنی نمایندهسی عبدالباعث محمدی نینگ ایتیشیچه، ساغلیک جهازلری نرخ قیلینیشی و ساتیب آلینیشیده اوشبو کینگش اعضالری نینگ حضوری یوق دیر.
شونینگدیک، مذکور ولایت خبرچیلری نینگ ایتیشلریچه، مسؤول ادارهلر تامانیدن ساتیب آلینگن جهازلر رویخطی اولرنینگ اختیاریده بیریلمهگن.
میدیالر تامانیدن بیریلگن رسمی گزارشلر اساسیده، حاضرگهقدر پروان ولایتی ده 5 کیشی کرونا ویروس گه چلینگن و بو ویروس گه چلینگنلردن بیری جان بیرگن.
