عامه انتظام پولیسی نینگ اوچ حربیسی قندوز – کابل عمومی یولیده سفر جریانیده جنگری طالبان تامانیدن آتیب اولدیریلگنی خبر قیلیندی. واقعه قندوز ولایتی نینگ علی‌آباد تومنی‌ده روی بیرگن.
نامی فاش ایتیلمس‌لیک شرطی بیلن سلام‌وطندارگه صحبت بیرگن امنیتی بیر منبع، نا حربی کییم کییب آلگن پولیس نینگ بو حربیلری دَم آلیش نیت‌ده قندوز کیلگنلر دیدی.
مملکت شمال شرقیده‌گی 8- عامه انتظام لواسی نینگ قوماندانی عبدالرشید‌بشیر حادثه‌نی تصدیقلب، اولدیریلگنلرنینگ کیم لیگی هنوزگچه انیقلنمه‌گن دیگن.
قوراللی طالبلر اوچ کوندن بیری قندوز – کابل عمومی یولی نینگ اره‌لیغی‌ده جایلشگن علی‌آباد تومنی نینگ مدرسه منطقه‌سیده اهالینی تیکشریش اوچون پوسته قوریلگنی ایتیله‌دی. لیکن، هلیگیچه طالبان تامانی بو حقده بیرار نرسه دیمه‌گن.
