طالبان رهبری، قربان هییتی مناسبتی بیلن بیر پیام آرقه‌لی، جنگری‌لریگه «خالص اسلامی» بیر نظام حاکم بولیشی خصوصیده مژده بیریب و اسلامی نظام حاکم بولیش عرفه‌سیده قرار تاپگن‌لرینی بیلدیرگن.
بوگون "سه‌شنبه" طالبان رهبری ملا هبت‌الله آخندزاده نینگ اوشبو گروه رسمی سایت ده نشر قیلینگن پیامی‌ده تاکید قیلینیشیچه، چیت‌ایللیک مملکت‌لر‌نینگ افغانستان ایچکی ایش‌لریگه دخالت قیلمه‌یشی کیره‌ک.
طالبان رهبری اوشبو پیام‌ده، هییت کونلریده آتیش‌کیسین و زوروانلیک‌لر کمه‌یتیریلیشی خصوصیده اشاره قیلمه‌گن.
جناب آخندزاده، اوشبو پیام نینگ بیر بولیمیده، افغانستانلیکلر ارا سوزلشوولر، چیت‌ایللیک کوچلر، دنیا بیلن رابطه باغلش، رواجلنتیریش و تعلیم و تربیه خصوصیده طالبان موقفی‌نی بیان قیلگن.
مذکور پیام ده تاکید قیلینیشیچه، دولت قماقخانه‌لریدن طالبان محبوس‌لری نینگ قوییب یوباریلیشی ایشانچ و تینچلیک‌که قول تاپیش یولی‌نی قیسقه بولیشی‌گه سبب بوله‌دی.
طالبان رهبری، افغانستان دولتی‌دن افغانستانلیکلر ارا سوزلشوولرگه قرشی بولگن موانع‌لرنی کوتاریشینی سوره‌گن.
ملا هبت‌الله نینگ ایتیشیچه: «بیزیم جهادی‌میز اشغال یکونله‌نیشی و خالص اسلامی نظام حاکم بولیشی اوچون ایدی و بیز انحصارگرلیک ایستمه‌یمیز و افغانستان بوتون افغانستانلیکلرنینگ اوی دیر.»
اونینگ تاکید قیلیشیچه، افغانستانده تینچلیک تامین‌لنیشی دنیا اینقسه منطقه مملکت‌لری نینگ منفعتی‌گه دیر.
طالبان رهبری نینگ کوپه‌یتیریشیچه، چیت‌ایللیک حربی‌لرنینگ افغانستان چیقیشی خصوصیده بیرقطار یوتوقلرگه قول تاپگن‌لر.
