طالبان مذاکره قیلیووچی هیاتی نینگ ییریک اعضالریدن بیری سی‌بی‌اس ترماغی بیلن اوتکزگن صحبتی‌ده افغانستان حکومتی نی «فاسد و کوچ‌سیز» عنوان قیلیب و ایتلافی حکومت نینگ ایجاد ایتیلیشی، محمداشرف غنی حکومتی یانیده طالبان کیمه‌سینی هم غرق قیله‌دیگن دیگن.
طالبان اوشبو ییریک اعضاسی نینگ ایتیشیچه: «نوبت‌نی طالبان‌گه بیریلیشی کیره‌ک. افغانستان رژیمی 3 دن باشلب 5 ییل گچه طالبان‌گه تاپشیریلسین. طالبان خلق ارا جماعه‌سی اینقسه آمریکا بیلن همکارلیک قیله‌دی. خطرلی بیر دشمن بولگنی‌میزنی اثبات قیلدیک و کیلهجکلرده اعتمادلی بولیشی‌میزنی هم اثبات قیله‌میز.»
شونینگدیک، طالبان مذاکره قیلیووچی هیات نینگ اورین باسری عباس استانکزی سی‌بی‌اس بیلن فرق‌لی بیر صحبت اوتکزیب ایتیشیچه: «خلق ارا جماعه‌سی نینگ عصبانی بولمهیشی کیره‌ک. اونینگ ایتیشیچه: « بیز یخشی ظاهر بوله‌میز و خلق ارا قانون‌لری برابریده کوپراق مسوول بولیشی‌میز ممکن.»
طالبان مذاکره قیلیووچی هیات نینگ اعضالریدن بیرینی کیم‌لیگی سیرقالیش‌نی ایسته‌ب ایتیشیچه، طالبان سابق رژیمی تجربه سیزلیگی سبب، 2001- ییلده شکست بیلن دوچ کیلدی و دنیا مملکت‌لری تامانیدن قبول‌لنمه‌دی و اوشبو عمل خلق ارا جماعه‌سی نینگ اوشبو گروه دن فاصله آلیشیگه سبب بولدی.
طالبان اعضالریدن باشقه بیری، نظام ده اوشبو گروه‌گه فایده‌لی سهم بیریلیشی‌نی ایسته‌گن. او، کیله‌جک حکومت ده طالبان گروهی‌گه 5 کلیدی وزارت بیریلیشی‌نی سوره‌ب و طالبان جنگریلرینی افغانستان ملی خوفسیزلیک کوچلری‌گه قاشیلیشی‌نی ایسته‌گن.
اونینگ ایتیشیچه، طالبان گروهی عیال‌لرنینگ حکومت‌گه ایش قیلیشی‌گه قرشی ایمس و کیله‌جک حکومتده گروه‌لر و مذهبی اقلیت‌لرگه هم و نقش بیریله‌دی.
طالبان گروهی هردایم عیال‌لرنی باش وزیر و محکمه اعضاسی صفتیده قبول قیلمه‌یشی اوستیگه تاکید قیلگن.
تینچلیک سوزلشوولر باشلنگنیدن سونگ، افغانستان عیال‌لری هردایم اولرنینگ یوتوق‌لری تینچلیک سوزلشوولرده نظرگه آلینیشینی سوره‌ب کیلگن.
طالبان مذاکره قیلیووچی هیات اعضاسی نینگ سی‌بی‌اس ترماغی‌گه ایتیشیچه: «طالبان افغانستانده بیر واقعیت دیر. یالغیز طالبان جاری اوروش‌نی یکونلنتیره آله‌دی. طالبان اوروش دن خسته بولگن، بیراق 20 ییل‌لیک فداکارلیکلرینی هدر قیلمه‌یدی.»
اونینگ مذکور مصاحبه‌ده ایتیشیچه: «حاضرده آمریکا و افغانستانی B ریجه‌سی یوق و یالغیز طالبان A و B ریجه گه ایگه، طالبان نینگ بیرینچی ریجه‌سی سیاسی حل یول دیر و ایکینچی ریجه‌سی افغانستانی تصرف قیلیش.
طالبان سابق وزیرلریدن بیری نینگ ایتیشیچه: «حاضرگی وضعیتده طالبان نینگ اورنی اونملی و بیز بو وضعیت‌نی قنده‌ی طالبان منبعتی‌گه سوق بیریشی‌میزنی بیله‌میز.»
عین‌حالده، جمهورلیک ریاستی سوزلاوچیسی صدیق صدیقی نینگ سی‌بی‌اس ترماغی نینگ گزارشی خصوصیده ایتیشیچه، افغانستانده ملی اردو مسوولیتی‌نی قولگه آلیش طالبان نینگ دایمی فکری دیر و بو فکر تینچلیک روحیه‌سیگه قرشی.
بوگون "چهارشنبه" جمهورلیک ریاستی سوزلاوچیسی نینگ طالبان ییریک اعضالریگه قرشی توییتر صحیفه‌سیده یازیشیچه: «اوشبو موضوع افغانستان اهالیسی و خلق ارا جماعه‌سینی نامید قیلگن.»
