فراه ولایتینینگ اهالیسینی ناراضیلیک نمایشلری نتیجهسیده وظیفهسیدن چیکلنگن اوشبو ولایتنینگ سابق حاکمی عارف شاهجهان، جمهورلیک ریاستی تامانیدن میدانوردک حاکمی صفتیده تعیین ایتیلدی.
سلاموطندارگه صحبت بیرگن فراه ولایت کینگشی اعضاسی دادالله قانعنینگ ایتیشیچه، جناب شاهجهان فراه حاکمی بولگن زمانده، اوشبو ولایت طالبلرنینگ قولیگه سقوط قیلیش عرفهسیده قرار تاپگن ایدی. جناب قانع گه کوره، فراه ولایتینینگ سابق حاکمی ظرفیتسیز بولگن و شونینگدیک، اوزی هم بونگه اعتراف قیلگن.
بیراق، محلی ارگانلر سوزلاوچیسی منیره یوسفزادهنینگ ایتیشیچه، میدانوردک ولایتی اوچون عارف شاهجهان لایق بیر کیشی دیر، بیراق خاص بیر گروه اهالی تویغوسیدن فایدهلنیب، قطار کیشیلرنی اونگه قرشی کوترگن.
عین حالده، قطار کیشیلرنینگ ایشانچی گه کوره، شاهجهاننینگ مؤفقیتسیزلیگی طالبلرنی فراهنینگ یقینیگهقدر آلیب کیلدی. جناب شاهجهاننینگ ایتیشیچه، او استعفاء بیرگن چاغده، مذکور ولایتده امنیت تأمین ایدی و فراه ولایتینینگ یشاوچیلریدن کوپینچهسی اونینگ ایشلریدن راضی دیر.
اونینگ ادعا قیلیشیچه، 40 ییللیک تجربه ایگهسی بولیب و افغانستاننی یخشی تانیدی و استعفاءسیدن اصلی مقصد «اقلیتلردن حمایت قیلیش» بولگن.
بو بیرینچی مرته ایمس کیم، مؤفقیتسیز و ظرفیتسیز سیمالردن بیری حکومتنینگ اونملی چوکیلریدن بیریده تعیین ایتیلهدی.
