.jpg)
وزیرلر کینگشی ییغینیده حکومت اجراییه باشلیغی عبدالله عبدالله نینگ ایتیشیچه، دوحه ده یولگه قوییلیشی خصوصیده قرار قیلینگن افغانلر ارا سوزلشوو ییغینی ناتوغری باشقروو باعث بیکار قیلینگن.
اجراییه باشلیغی نینگ ایتیشیچه، «تأسف بیلن قطر ییغینی ناتوغری باشقروو باعث بیکار قیلیندی و مذاکره و بحث اوچون ایجاد ایتیلگن زمینه برهم اوریلدی.»
بیراق، جناب عبدالله ناتوغری باشقروو قیسی بیر تامان حکومت یا-ده طالبان آرقهلی بولگنی توغریسیده هیچ نرسه دیمهگن.
جناب عبدالله نینگ ایتیشیچه، فرصت یرهتیلگن صورتده، حکومت افغانستان دولتی و اهالیسی دن نمایندهلیک قیله آلهدی.
اجراییه باشلیغی یرهش عالی کینگشینینگ ایشی دوام ایتیشی اوستیگه تأکیدلب ایتیشیچه، مملکت سیاستچیلری و رهبرلری بیلن بولگن سوزلشوولر و مصلحتلرگه قرهگنده، بو کینگش تینچلیککه ایریشیش خصوصیده حکومت گه یاردم بیریشی توغریسیده ایشانهدیلر.
عین حالده، شنبه کون مملکت جمهور رئیسی محمداشرف غنی بیلن تلیفونی صحبت قیلگن آمریکا تشقی ایشلر وزیری مایک پومپئو، قطرده یولگه قوییلهدیگن افغانلر ارا سوزلشوو آرتده قالدیریلگنیدن امیدسیزلیک بیلدیریب و ایتیشیچه، تامانلر قطر ییغینی اشتراکچیلری نینگ رویخطی توغریسیده کیلیشیب و تیزلیککه افغانلر ارا سوزلشوو اوتکزیلیشی کیرهک.
قطرده یولگه قوییلیشی کوتیلگن افغانلر ارا ییغین شو هفته شنبه و یکشنبه کونلری دوحه ده اوتکزیلیشی خصوصیده قرار قیلینگن ایدی، بیراق اشتراکچیلرنینگ رویخطی توغریسیده قرهمه قرشی فکرلر موجود بولگنی باعث بیکار قیلیندی.
