سلام‌وطندارگه صحبت بیرگن جوزجان ولایتی‌نینگ خماب تومنی ولسوالی انجنیر احمدنینگ ایتیشیچه، طالبان گروهی اوشبو تومن نینگ نظارت گه آلگنیدن بویان، نیچه ولایتدن مخدره ماده توپلب و ترکمنستان گه قاچاق قیله‌دیلر.
اونگه کوره، طالبلر قولهیلیک بیلن خماب تومنیدن ترکمنستان گه مخدره ماده قاچاق قیله‌دیلر و اوشبو تومن نینگ اهالیسی طالبلرنینگ ظلم و ستمی نی چیدش گه مجبور بولگنلر. اونینگ کوپه‌یتیریشیچه، طالبلر بو یولدن کوپینچه پول قولگه کیلتیریب و اوزلرینی جهازلنتیره‌دیلر.
خماب یشاوچی‌لریدن قطاری طالبلرنینگ کینگ فعالیتی‌دن خواطر بیلدیریب ایتیشلریچه، اوشبو گروه ترکمنستان گه مخدره ماده نی قاچاق ایتیشی نی باشله‌گنلر.
خماب تومنی یشاوچیسی شکرالله نینگ ایتیشیچه، طالبلرنینگ اوشبو ایشی بیزلرنینگ ضرریمیزگه تمام بوله‌دی و ایچکی و مدافعه وزیرلیگی بو توغریده توجه قیلیش‌لری کیره‌ک.
سلام‌وطندار بیلن صحبت اوتکزیش نی ایستمه‌گن اوشبو تومن یشاوچی‌لریدن قطاری، مخدره ماده نیچه ولایتدن طالبلر آرقلی توپله‌نیب و ترکمنسان گه قاچاق ایتیشی نی تصدیقله‌گنلر.
شو توغریده:
سرپل‌ده طالبلر «مخدره ماده و قورال» ایرکین شکلده ساتیله‌دیگن نیچه بازار آچگن
بامیان ولایتیده مخدره ماده‌گه چالینگن بیر عایله قیزی‌نی ساتگن
بنگی‌لر: بغلان بنگی‌لریگه حکومت رسمی‌لری و زوره‌وانلر مخدره ماده ترقته‌دی
جوزجان حاکمی سوزلاوچیسی فریدون انیق نینگ سلام‌وطندارگه ایتیشیچه، طالبلر مخدره ماده نی قاچاق ایتیش یولیدن اوزلرینی جهازلنتیره‌دیلر.
اونگه کوره، تومنلر گه باره‌دیگن یوللرنینگ برچه‌سی دولت نینگ نظارتی گه دیر و ایریم پیتلر اوییرده چک پاینت فعال بولیب، تیرگاو یولگه قوییله‌دی؛ بیراق طالبلرنینگ جهازلنتیره‌دیگن یالغیز مخدره ماده نینگ قاچاق ایتیلیشی دیر.
بیراق طالبلر سوزلاوچی‌لریدن ذبیح‌الله مجاهد اوشبو گروه اعضالری مخدره ماده قاچاقی گه قول اوریشی نی رد قیلیب ایتیشیچه، طالبلر مخدره ماده نی قاچاق قیلمه‌یدیلر.
