امریکالیک بلند مرتبهلی رسمی، افغانستان مدافعه وزیرلیگی نینگ ینگی بناسی (پنتاگونگه اوخشهگن) اوشبو بنا بیر آی ایچیده رسما آچیلیشینی ایتگنلر.
افغانستان مدافعه وزیرلیگینی قوریلیشیده مرمر تاش ایشلنگن. مذکور بناده اوچ آوقتلهنیش سالن نظرده توتیلگن.
ایتیلیشیچه، بیر وقتده هر بیر سالن ده 1000 کیشی آوقتلنهدی.
بیز زمانده 2500 کیشی سیغهدیگن افغانستان ملی مدافعه وزیرلیگینینگ ینگی بناسی قوریلیشی اوچون 160 میلیون امریکالیک دالر صرفلنگن.
شونینگدیک مذکور بنا اوچون اوتیز اوچ میلیون اوچ یوز مینگ دالر تخنیکی و کامپیوتر بولیمیگه صرفلنگنی ایتیلهدی.
عین حالده، بو بنا زمانوی معلوماتی اسکونهلر بیلن جهازلهنیشی اوچون 12 میلیون دالر خرجت کوتارگن.
شونینگدیک مدافعه زویرلیگینینگ ینگی بناسیده سپورت میدانی، عسکرلر یاتاقخانهسی، بیر قطعه و بیر شفاخانه تاسیس ایتیلگن.
مملکت ملی مدافعه وزیرلیگی نینگ لایحهسی نیچه لایحه ایچیدن تنلنگن. مذکور لایحه کابل بیلیم یورتی مهندسلیک فاکولتهسی محصللری تامانیدن ایشلنگن.
بو بنا38500 متر مربع ییرده قوریلگن.
امریکالیک بلند مرتبهلی تادسامونایت نینگ ایتیشیچه: « بو بنا افغان ملی کوچلری اوچون کته فرصت، افغانستان ملی مدافعه وزیرلیگی مذکور بنادن یخشی فایدهلهنیش بیلن افغان ملی کوچلری قابلیتینی آشیریش شرایطگه ایگه بولهدی»
آق اوی نینگ رسمیلریگه کوره، اوشبو بناده افغانستان ملی مدافعه وزیریلیگینینگ برچه بولیم لری انابتگه آلینگن.
افغانستان ملی مدافعه وزیرلیگی ینگی بناسی توپلم 1104 ایشک و 348 دیرهزه دن عبارت.
هنوزگچه هم مذکور بنا رسمی شکلده افغانستان ملی مدافعه وزیرلیگی اختیاریگه قویلمهگن.
ملی مدافعه وزیرلیگی ینگی بناسی نینگ مالیوی خرجتی امریکا دولتی تامانیدن تولنگن.
