سیلاولر توزویمیگه اصلاحات کیریتیش مخصوص کمیسونینینگ رییسی شاه سلطان عاکفی نینگ بوگون کابلده بیر خبری اولتیریشده مذکور کمیسیون هفتهلیک گزاشینی مدیاگه معلوم قیلدی.
جنابعاکفیگه کوره، مذکور کمیسیون هنوزگچه مدنی جماعهچیلیک، سیاسی حزبلر، سیلاولرنی کوزهته دیگن اداهلر، فعال عیاللر بیلن کوریشیب اولرنینگ سیلاولر بارهسیده بولگن 300 تکلیفینی آلگن.
شونینگدیک جناب عاکفی مذکور تکلیفلر تیکشریلگندن سونگ سیلاولرگه اصلاحات کیرتیش برنامهسیگه سیغدیریلهدی. عین حالده اوتگن هفته مدنی جماعهچیلیک ادارهلری همده سیلاولرنی کوزهتهدیگن ادارهلر فکرینی اورگهنیش، سیاسی حزبلر، خاتینلر، حقوقچیلر، ایش بیلرمانلر، دین عالملری ولایت کینگشیده اهالی نمایندهلری اشتراکیده ایریم فعالیتلرعملگه آشیریلگن.
باشقه تاماندن افغانستان شفاف وعادلانه سیلاولر بنیادی رییسی نعیم ایوبزادهنینگ سلاموطندارگه ایتیشیچه، سیلاولرگه اصلاحات کیریتیش کمیسیونی هنوزگچه ایجابی ایشلرنی عملی قیلگن.
شونینگدیک جناب ایوبزاده، بو کمیسیون قرارآلووچی اداره بولمسلیگیگه قرهمی، سیلاولرگه اصلاحات کیرتیش اوچون قولگه کیریتهدیگن تکلیفلر و فکرلر عملگه آشیریلیشی اوچون حکومتگه تاپشیریشنی سورهگن.
ایوبزادهنینگ کوپیتیریشیچه، افغانستان ملی بیرلیک حکومتینینگ ارهسیده سیاسی بیر معین اداره اورته کیلمهگن حالده، سیلاولر توزومیگه اصلاحات کیریتیش ممکن ایمس.
عینحالده، سیلاولر توزومیگه اصلاحات کیریتیش مخصوص کمیسیونینینگ اعضالری تکلیفلر و فکلرنی جمعلش اوچون مملکت زونلریگه سفر قیلگنلر. مذکور کمیسیوننینگ رییسی شاهسلطان عاکفیگه کوره، کمیسیون ایشلری صفتلی همده قونت بیلن ایلگری آلیب باریلهدی.
سیلاولرتوزومیگه اصلاحات کیرتیش کمیسیونی اوتگن هفته رسمی شکلده اوز فعالیتیگه باشلهدی. جمهور رییس فرمانیگه اساسن اوشبو کمیسیون ایشلریگه دوام بیریش اوچون اوچ آی فرصتگه ایگه.
